ESEKIELI 5:11 - Biblía Axweesantá Hhohho' ar Mungú 2004

¹¹ «Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

ESEKIELI 5:11 Iomraidhean Croise

2 WAAWITÁ 21:4

Kiteeraá ilahhooa gina tleéhh baraá Doó AAKOÓ MUNGÚ didá' aáng AAKOÓ MUNGÚ iwa oó', «Yerusalemu an dír umuueé' kuwa ateeti.»

2 WAAWITÁ 21:7

Slaqsoó Ashera guri tleéhh, guri qaás baraá guruú do', didá' aáng AAKOÓ MUNGÚ Daudi nee Solomon ngiwa báy, «Baraá do'wihe nee baraá Yerusalemu tidá' án naa tsawaár, an didaádá' tlahh'aá Israeli sleémeero umuueé' kuwa ateetin ay kureeraá kureér.»

2 WAAWITÁ 23:12

Kiteeridaá waawituú Yuda aa tleéhh gawaá kitaarár kutuwír Ahasi, dinkwa nee kiteeridaá ilahhooa Manase aa tleéhh baraá afeenadá' tsár ar guruú doó AAKOÓ MUNGÚ, gina fe/iít nee giri naasúy, teeridá' gari kwaáhh baraá xatstá Kidroni.

2 QOM'I 33:4

Inós kiteeraá munguaá hatlá' kiwa ilahhooárií hanmiisi gina tleéhh baraá Doó AAKOÓ MUNGÚ, didá' AAKOÓ MUNGÚ iwa oó', «Baraá Yerusalemu an dír umuueé' kuwa ateetin ay alhhe'eesay wasle.»

2 QOM'I 33:7

Slaqsaydá' aa tleéhh guna qaás baraá Doó AAKOÓ MUNGÚ, didá' Daudi nee garmaawós Solomon Mungú ngiwa báy, «Baraá do'owihe nee baraakaá Yerusalemuro, diirí ana tsawaár baraá tlahh'iikaá mibaá nee tsár awa Israeliro tawa dír aníng tiwa sluufmiisi ay alhhe'eesay wasle.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

YOBU 27:22

Mungú gun fur'aárí tlees sleeme gu gurtlayká. In mak ta'aaín yeé ya'aawose, ala gár i bui i káhh.

WARA'AMI 107:39

Qoomár niwa /aaruyé', niri niinawuyé', asma kiwa baraamaanuús, nee kiwa slahh'eemiís nee gurhaami.

WARA'AMI 95:11

Gawaá adoorihe aníng nari buúhh, lo'o ngari /aáy nari oó', «Mukwí i dahiiaaká baraá amohhooar'eéni ale.»

YEREMIA 10:24

Aá AAKOÓ MUNGÚ, aníng qwatsáng ar adór ganaa' ala ar buhhtawooká, as kahhó' mawa qwaár.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 32:34

Inooín muruudá' ta waki nguna qaasiyé' baraá do'owí ta umuuér ateetin, nee nguri meetagaasiyé'.

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

WA/AA/I 2:21

Tuaá bariise nee awa masoombaro naa tlufaafuiyé' baraá loohiro, dasuueé' nee masoombar'eé' ar daaqaay kaa tsuú/ ar paánga, kuúng ina tsú/ baalaadár buhhtaawoge, ina tsú/ ar gurtleemu wasle.

ESEKIELI 11:18

Kuungá' bar aga ki/é' baraá yaamuuhúng, aníng muruudá' slasla/arén un hingeés, nee kudá' sleémeero i buhhtamís un hingeés.

ESEKIELI 11:21

Ala kudá' muner'ín aldinkwa nee muruú slasla/arén nee oo i buhhtamís, i sakwasleemuút ar har qoomoó tlehhmi'ii'ín kudá' naa tleehhiyé'. Anuú Aakoó MUNGÚ tí aga oó'.»

ESEKIELI 23:28

«Anuú Aakoó MUNGÚ a kah, ‹Aníng kiíng i qaás gawaá dabaá wakuuseerók, tidá' kiíng taa áhh, dabaá kudá' nee kiíng taa wake'.

ESEKIELI 23:38

Slám a tí kiloseeká, dooeé' nguna waaqaaiyé' nee deelor'eé' tidár Sabaáto ngina meetagaasiyé'.

ESEKIELI 23:39

Asma baalaadár kilae na/ii'ín ngiwa ilahhooár wa tsu/iyé' dír slaqsi'iidaá munguaá hatlá', nina hardihiyé' ay dír dooeé' kudá' hhoohhoó', ngway meetagaasiyé'. Adoorí an adoodá' naa tleehhiyé' baraá dooeé' wa ale.

ESEKIELI 24:14

Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

ESEKIELI 29:15

Waawuti'iimarós in daqatlakuúr dír waawuti'iima sleémeero, inooín xoorór hatlá' sawaawuti'iimaro ka aleeslayká. Múk Misri u múk daqatlakwén tleéhh as iwa malé ki/iiaaká xoorór hatlá' sawaawuti'iimaro.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 43:8

Waawitaaín ina tleehhiít, nahhtaín ngina tleehhiyé' bihhaá nahhtaeé', nee duxutamaaín bihhaá duxutmooeé', nee maandaduuín bihhaá maandar'eé', aníng nee inooín gár taa paratl a har koo/i kilós. Gawaá adoorihe aníng iri meetagaasiyé' ar muruuín kudá' slasla/arén naa tlehhiitiyé'. Aníng niri buúhh, ngiri hhaamiís.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

ESEKIELI 5:7

Gawaá adoorihe anuú Aakoó MUNGÚ a kah, Hám daxta asma kuungá' tundu sage gawdén ta xoorduuká' kuungá' na harweeri'i, nee sleeme aga hoti'iiká ar adoodá' hara'ayar'eé' i kat, tam sleeme adoodá' kuungá' naa báw aga oti'iiká, aqo tidá' xoordaá hatlá' kudá' kuungá' naa harweeriye' ana eehadé'.

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

ESEKIELI 8:15

Mungú iri báy, «Heewí, tí aga aándi? Gimáy lakiít, muruú aníng i buhhtamís oo kwí ba/a u aán.»

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

ESEKIELI 9:5

Qoomár iwa mukdá' kangwdá' babay aníng a axamiís, iwa kaahi, «Waarahhé' ar baraá gixsa aluuwose wa ale, muu tsu/aak, tamu wák mu geexawaar, mi baloó gurtlawaara'.

TLAHHOÓ LAÁWI 15:31

«Adoorí an adór xoorór Israeli kar iislax as tiwa harmeetina' as dir'eé' tidá' hhoohhoo' ar baraá tla/angw'ín makawa meetagaás, ar darhuuín qoomár bir baraá meeta, bar adoosíng ngaa tleehhiyé' i qatliyá' baraá meetagaasar'ín.»

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

SEKARIA 11:6

Aníng yaamuloouusér yaamuuká' a baloó gurtlawaaká, umuú heewo un máw baraá dabaá heewós nee baraá dabaá de'eemusmoowós, nee baraá dabaá waawutmoowós, inooín yaamu ngiri qwaareesiyá' slám aníng heé ni tuu/ i kaahh baraá dabaaine. Anuú AAKOÓ MUNGÚ tí ngina oó'.»

MALAKI 3:17

Gár taa gooín a tí, «AAKOÓ MUNGÚ Aleesleemusmo i kaahi, ‹Baraá deeloodá' aníng gadiyér'eé' ngiwa tleehh, inooín a kwe'eé', inooín tay boohhar'ér kilá'. Inooín in amohhe'eemiís adór hee garmaawós, kudá' gu sagadiyuús, ngur amohhe'eemisi.

Rumi 11:12

Huu'umaá múk Israeli tsuuqaá yaariir ngaa huwiyé' dír múk baraá yaamu sleémeerowo. Nee as adoodá' múk Israeli iwa /aarúy, múk xoordaá hatlá' tsuuqa gay sláy. Ala gawaá adoorihe, faarór múk Israeli bira bó/, tsuuqa daqaní ki ak ló'wa ur.

Rumi 11:21

Barnaxes Mungú haleemaá xa'anooduú kilá' gaa mayká tsatto, kuúng ka xu', kuúng un máya tsatto?

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

Ebrania 6:13

Qoomár Mungú al'axweesani ngiwa oó' dír Abrahamu, lo'o gari /aáy adór tidá' aa oó' ir tleehharút. Lo'oodá' gari /aay ar umuuwós inósuú kilá', asma oo úr oo inós gu baá/ i kaahh, oo lo'o ngir huwi.