ESEKIELI 48:14 - Biblía Axweesantá Hhohho' ar Mungú 2004

¹⁴ Yaamu ki baloó weerisiiká nee ki qasisiiká tam dír hee gaalá, asma yaamuuká' an yaamaá hhoohhoo' nee awa AAKOÓ MUNGÚ, an yaamaá hhoo' ta ak yaamu sleémeero.

ESEKIELI 48:14 Iomraidhean Croise

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 23:19

«Mamaá geera awa baraá qamuuhúng dahhá' huwaare' baraá doó AAKOÓ MUNGÚ Munguúhúng. «Tam deelmoó niiná oo du'uúm mu humiimara' baraá ilwaá aayorós. »

ESEKIELI 48:12

Yaamuuká' an yaamuuín kudá' taa tsawaár dír yaamaá hhoohhooe, kudá' ak ló'wa hhoohhoo', kudá' nee yaamaá tlahhoó Laáwi taa hariye'.

ESEKIELI 48:13

Yaamaá Laáwi a yaamuudá' awa bihhaá basa, dír yaamaá kaahamuusér Munguhe. Tlenaango yaamuuká' a kilomiíta mibaá nee tsár nee tlaqi iimír bihhaá da/aáw wá tleemu ay bihhaá /uwa. Uroó bihheerós a kilomiíta kooán iimír bihhaá /iíkwá tleemu ay bihhaá basa.

TLAHHOÓ LAÁWI 23:20

Kaahamusmoó Mungú giri gáwtí tlees as tawa ilahhooár ni haniisi dír anuú AAKOÓ MUNGÚ, dinkwa nee mukaatmoó bu'úngw geera, nee deelaydá' tsár oo bee/aangw. Muruusíng a muruú hhohhó' dír anuú AAKOÓ MUNGUHE, nee a muruú /aymár kaahamusmoó Mungú kilós.

TLAHHOÓ LAÁWI 25:32

Gixsadaá tlahhoó Laáwi i aliiti ki aleesláy kiwa tu/i qoomár kiwa slai.

TLAHHOÓ LAÁWI 25:34

Ala yamaá múk Laáwi naa aaliyé' dinkwárí ale mikiwa weeriís, asma gaasíng a aalir'ín ar ta warqeesiiká.»

TLAHHOÓ LAÁWI 27:28

«Ala umuúqo gár taa paraátl as AAKOÓ MUNGÚ bar an hee, laqaá slee, laqaá yaamuuwós awa aali, muruuwí ku weerisiiká, laqaá ku tu/iiká. Umuúqo gár taa paraátl as AAKOÓ MUNGÚ ka hhoohhoo' kángw kilá' wa aleeró.

Rumi 8:23

Ala a muruudá' taa tleéhh kiloseeká. Ala tam atén sleeme a /ifaán baraá muneerene, ateéká' Qeeru ugwa slawaan. Qeeru inós an mamaá geera awa Mungú amoorene. Atén sleeme an ló'wa haraxuaán qoomaadá' Mungú atén tiwa na/iiwós awa kilá' tleehhi, nee slaqoorén kiwa gweeri baraá lawaali'iimaro.