ESEKIELI 46:12 - Biblía Axweesantá Hhohho' ar Mungú 200412 «Geeraharusmo bir ilahhooarós tidár muunuú /awaák haniisár wa slaa' dír AAKOÓ MUNGÚ laqaá ilahhooár da/a/aangw, laqaá ar wayda, afkú da/aáw oo matla/ángw guruú baraá do', ku gweeri. Ilahhooarós ngi haniisi adór deelór Sabaátoro ta /iamamisi, nee qoomár bir ti'imiit afkú do' ku aluuwós wa tseegi.» Faic an caibideil |
Bál tsare ilahhooár muruú ta tsu/i ngay haniisár ayé' dír AAKOÓ MUNGÚ. Awér kumuú wák kari tsuú/ as ilahhooa nee gwaandawér kumuú wák nee deeloó bee/aangw oo kumuú wák, kuká' sleémeero kina daá/ baraá kitangwdá' ilahhooa kawa hanmamiisi, sleeme ilahhooár muruú wahaangw oo difaái nguna huwiyé', nee ilahhooár muruú ta tsu/i ar yaariir kay haniís as múk Israeli sleémeero.
A gadiyér geeraharusmoó ilahhooár da/a ngiwa slay, nee ilahhooár balaangw, nee ilahhooár wahaangw ar ta hanmiisi qoomár deelór ur bál slahhaangw birna ti'iít, nee deelór Sabaáto, nee deelór uren sleémeero ar taa qaás baraá múk Israeliwo. Geeraharusmo ilahhooár tlakweema hingeesa gan amohhe'ees, nee ilahhooár balaangw, nee ilahhooár da/a, nee ilahhooár wayda as haraki/isa kawa tleehhi dír múk Israeliwo.»
«Ilahhooarí sleémeero an hanisá' dír AAKOÓ MUNGÚ baraá deelorhúng tidá' uren taa hara'ayini. Dinkwa nee tihe ilahhooarhúng tidár al'axweesanto, nee ilahhooarhúng tidár sla'aariro, nee ilahhooarhúng tidár muruú da/a, nee ilahhooarhúng tidár balaango, nee ilahhooarhúng tidár muruú wahaango, nee ilahhooarhúng tidár wayduwo, ma mawaar.»