ESEKIELI 46:1 - Biblía Axweesantá Hhohho' ar Mungú 2004

¹ «Anuú Aakoó MUNGÚ a kah, Afkú do', kuduú afeenír baraá guruú do', kuduú bihhaá da/aáw, ku tseegi deelo lahhoó' tidár gadiyeede. Deelór Sabaáto nee deelór slahhángw /abén birna ti'iít ku gweeri.

ESEKIELI 46:1 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

1 QOM'I 9:18

Inooín aáng afkú doó waawutmo nguna xuné', dír bihhaá da/aáw awa gixsa, sleeme an múk xafayduú múk tlahhoó Lawí gwaa xun.

TI'INAANGW 20:9

Deelo lahhooe gadiyuús, gadiyeérók sleémeero tleehheek.

ISAYA 66:23

Anuú AAKOÓ MUNGÚ a kah, «Umuúqo deelór ur ar slahhángw /abén niwa ti'iít, nee umuúqo deelór Sabaátoro, muu sleémeero nin hardah as aníng iwa sluufmisuú aya'.

ESEKIELI 10:3

Qoomár heedaádá' iwa dáh, muruudá' ta bay keruúbi aa sihhiít bihhaá basa awa Doó Mungú, huunki afeenidár do' gari hatsís.

ESEKIELI 40:19

Aluuwo heedaádá' tlenángw loohidá' naa baraá matla/ángw baraá dó' wa ti'it, kuduú bihhaá baráy dirií' guna qoomeés, gár aa sláy a miíta mibeeri kooán.

ESEKIELI 43:1

Naagáy heedaádá' aníng iri huúw bihhaá afkudaá da/aá xuu'.

ESEKIELI 46:12

«Geeraharusmo bir ilahhooarós tidár muunuú /awaák haniisár wa slaa' dír AAKOÓ MUNGÚ laqaá ilahhooár da/a/aangw, laqaá ar wayda, afkú da/aáw oo matla/ángw guruú baraá do', ku gweeri. Ilahhooarós ngi haniisi adór deelór Sabaátoro ta /iamamisi, nee qoomár bir ti'imiit afkú do' ku aluuwós wa tseegi.»

ESEKIELI 46:3

Umuú deelór Sabaátooro nee bál slahhángw /abén birna ti'iít, muu sleémeero anuú AAKOÓ MUNGÚ in sluufmiis dír geeraá afkú do' wa ale.

ESEKIELI 46:6

Qoomár slahhángw /abene inós awu batlitamo ngu haniisi, nee deeloó bee/aangw oo lahhoó', nee gwaanduú wák, sleémeero ki xaslxaansli wasl.

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»