ESEKIELI 45:5 - Biblía Axweesantá Hhohho' ar Mungú 2004

⁵ Dír hatlá' baraá yaamuuhunge ka paraatl ar kilomiíta mibaá nee tsár nee tlaqi tlenaango, nee bihheero kilomiíta kooán, as tawa gixsár tlahhoó Laáwi, kudá' gadiyuús baraá Doó Mungú wa aleeró as tawa dír hotaaín.

ESEKIELI 45:5 Iomraidhean Croise

ESEKIELI 40:17

Naagáy heedaádá' iri huúw ay dír afeenidár tsee/a ar Doó Mungú. Didaádae kutuwoó ninákw oo mibeeri tám oo koo/idá' gaa tsee/aá wa harweer i deer, nee dír geeraá kutuwaywihe afeenír taa tlaa/ér tleéhh i deer.

ESEKIELI 48:10

Kaahamuusér Mungú yaamuuín ngi sleer baraá yaamuuká' wa ale. Yaamuuká' tlenangw'ín a kilomiíta mibaá nee tsár nee tlaqi iimír bihhaá da/aáw ay bihhaá /uwawo, kilomiíta kooán iimír bihhaá /iiko ay bihhaá basa. Dír hotaá AAKOÓ MUNGÚ ka tlehhá' tla/ángw yaamuuká'.

ESEKIELI 48:13

Yaamaá Laáwi a yaamuudá' awa bihhaá basa, dír yaamaá kaahamuusér Munguhe. Tlenaango yaamuuká' a kilomiíta mibaá nee tsár nee tlaqi iimír bihhaá da/aáw wá tleemu ay bihhaá /uwa. Uroó bihheerós a kilomiíta kooán iimír bihhaá /iíkwá tleemu ay bihhaá basa.

ESEKIELI 48:20

«Gawaá adoorihe yaamuudá' sleémeero taa tsawaár, didá' hhoohhoo' dinkwa nee yaamaá gixsa, bihheero sleémeero i alqón a kilomiíta mibaá nee tsár nee tlaqi umuú bihhiiwo.

TLAHHOÓ LAÁWI 23:42

Deelo faanqwe an hotá' baraá xafáy wa ale. Qoomaasíng sleémeero yaamuloouusér Israeli nin baraá xafáy wa hootiyá'.

FAARO 35:2

«Múk Israeli ádbaweek baraá aalir'ín tidá' ta slaya, múk Laáwi ku qay gixsadaá ta hooti dinkwa nee qawtani sleémeero ar gixsaduudá' gaa harwedi as tawa qawtantá bee/angw'ín.