ESEKIELI 45:1 - Biblía Axweesantá Hhohho' ar Mungú 2004

¹ Qoomár bar yaamaá qasimisá' ar tsawdo, as umuú tlahhaywo dirós ngiwa slay, dír wák baraá yaamuwo masók aqo in mét as AAKOÓ MUNGÚ. Tlenaangós a kilomiíta mibaá nee tsár nee tlaqi, nee bihheerós kilomiíta mibaangw. Daqaní yaamuuká' sleémeero ki hhoohhoo'.

ESEKIELI 45:1 Iomraidhean Croise

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

ESEKIELI 42:16

Pa/almoowós kuduú qoomeemes guri taataáhh, nee bihhaá da/aáw giri qoomeés, gár aa sláy a miíta tsiire tsár nee mibeeri kooán.

ESEKIELI 48:29

«Yaamuuká' an yaamaá tlahh'aá múk Israeli sleémeerowo. Baraakae yaamaá hotaaín ki sláy, umuú tlahhoó yaamuuine. Anuú Aakoó MUNGÚ tí aga oó'.»

TLAHHOÓ LAÁWI 25:23

«Yaamu mi baloó weerisaara', asma a kwe'eé', nee kuungá' a dahaaye, nee aauuse baraá yaamueene.

FAARO 34:13

Naagáy Mose múk Israeli guri i axweés, guri báy, «Gaarí an yaamuudá' ta ala' ar tsawdo, yaamuuká' an kudá' AAKOÓ MUNGÚ aa oó' ngiwa haniisi dír tlahhi'iidá' gwaleél nee tlaqi.

YOSHUA 13:6

Yaamuudá' sleémeero awa tlom'idaá baraá tla/ángw Lebanoni ay Misrefot-maimu awa xoorór Sidoni. Mukwí sleémeero aníng u guús tawa ti'iiti ar adoodá' xoorór Israeli ir doogigiinda. Kuúng yaamu ki qasmís dír xoorór Israeli ar loohír tsawdo as ngiwa aaliya' ar adoodá' án kuúng ugwa báw.

YOSHUA 13:7

Tlahha'aá gwaleél yaamu ti qasis baraasíng wa ale tawa aalir'ín, nee tlaqtá tlahhoó Manase sleeme.»

YOSHUA 14:1

Xoorór Israeli yaamaá kay ka'amiís baraá Kana'aniro an kuká': Múk gaa ka'amiis a kaahamusmoó Mungú Eleasari nee Yoshua garmoó Nuni, baraá ka'amisuuwo tina alee/imisiyé' nee bariisér uren ar tlahh'aá xoorór Israeli.

YOSHUA 14:2

Yaamu kina ka'amiís ar loohír tsawdo, ar adoodá' AAKOÓ MUNGÚ ngira hara'ayín dír Mose, as kiwa ka'amiisi dír tlahh'aá gwaleél nee tlaqi.

YOSHUA 14:3

Asma tlahh'aá tsár nee tlaqi kaa yaamuuíní ka'aás gayuú yaaér Yordaniro da/aáwá ale, ala tlahhoó Laáwi kwaa aalírí haniisiiká baraá tla/angw'ine.