ESEKIELI 44:3 - Biblía Axweesantá Hhohho' ar Mungú 2004

³ Tam adoorihe, geeraharusmo kilós amoodá' keemuuwo gan aleesláy nee muruú /aymaadá' hhohhó' guri /aay geeraaeé' wa alé. Inós aqo in dah iri ti'iit ar afkuduú kilá'.»

ESEKIELI 44:3 Iomraidhean Croise

IIMU/UUNGW 31:54

Aluuwo Yakobo makiito'o gari gaás, gari ilahhooár wa haniís dír Mungú gawaadá' tloomár wa alé. Hhaeewós giri ateét tawa /ayin. Alaá /aymaaro tawa hhe'eés, tari deél gawaá tlooma.

2 WAAWITÁ 16:18

Nee matla/angwdá' taa tleéhh as deelór Sabaáto, kudá' taa tleéhh baraá doó waawutmo, nee afkú do'duú dahmaá baraá doó AAKOÓ MUNGÚ, waawutmo guri hingeés dír doó AAKOÓ MUNGUHE as waawutmoó Ashuru.

2 QOM'I 23:13

Iwa harqaytsít waawutmoó /abén aa sihhiít bihhaá uhmo dír afkú do'. Bihhaaqae slaqwaruuse nee múk tarumbetadaá ufahhaám taa sihhiít bihhaá waawutmo. Muu sleémeero i baraa/ nee ta tarumbetadaá ufahhán, nee daauuse i xooslaá daa'ángw koón. Waawuto'o tlabaawós gay feehhamís iri ó', «Gaa geewaqata! Gaa geewaqata!»

2 QOM'I 34:31

Waawutmo iri dirós tidá' i sihhiít, alqado gari oó' ar AAKOÓ MUNGÚ nguwa eehari nee hara'ayaarós, nee tidá' aa ooi nee kaahirose ngiwa oohi ar muunaáwós sleémeero nee ar qeeruuwós sleémeero, nee axweesanay sleémeero kudá' taa gooín baraá kitaábuuduú alqado nguwa boo/eesi.

ISAYA 23:18

Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 62:9

Ala kuungaádá' balaangw ugwa bue', un /agá' anuú AAKOÓ MUNGÚ iri xirfayeemisá'. Kuungaádá' mamaá sabiíbu iga bue', an baraá matla/ángw dooeé' kudá' hhoohhoó' wa wahaandá'.»

ESEKIELI 34:24

Ala aníng AAKOÓ MUNGÚ tari Munguúín nee sagadiyusmooeé' Daudi tari geeraharusmooín. Anuú AAKOÓ MUNGÚ tí ngina oó'.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 40:9

Aluuwo koo/irós tidár tsee/a gari qoomeés, yaangareemaawós a miíta wak. Bihhaá guruú baraá do'o awa afkú do' ki ló'wa hartseew nee Doó Mungú.

ESEKIELI 46:12

«Geeraharusmo bir ilahhooarós tidár muunuú /awaák haniisár wa slaa' dír AAKOÓ MUNGÚ laqaá ilahhooár da/a/aangw, laqaá ar wayda, afkú da/aáw oo matla/ángw guruú baraá do', ku gweeri. Ilahhooarós ngi haniisi adór deelór Sabaátoro ta /iamamisi, nee qoomár bir ti'imiit afkú do' ku aluuwós wa tseegi.»

ESEKIELI 46:2

Geeraharusmo bir tsee/aá daahh in dah ar afkú matla/aangw. Inós iri sihhiit dír uhmoó dír afkú do', qoomár kaahamuuse bir ilahhooár hanmís ar da/a nee ar wayda. Naagáy geeraharusmoodá' iri tumbarara'aat, giti gari yaamúr oh, dír afkú do', aluuwo iri tsee/aá i ti'iit. Afkú do' kuri gweeramoórí máy ay tsiindo.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.