ESEKIELI 44:23 - Biblía Axweesantá Hhohho' ar Mungú 2004

²³ «Kaahamuuse xooror'eé' gan intsaahhatís as gár hhoo' nee ar tlaakwe ngiwa tsaahhiya', nee muu kuwa xu'utisi gadaádá' gi meetagaamiis nee tidá' gi meetagamisaakahe.

ESEKIELI 44:23 Iomraidhean Croise

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

ESEKIELI 42:20

Gawaá adoorihe inós bihhe sleémeero gari qoomeés, naxés badu sleémeerowo gár aa sláy a miíta tsiire tsár nee mibeeri kooán. Koo/idá' an tidá' didá hhoohhoo' gaa paratl didá' nee didá' muu i burumburimaamiti.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

TLAHHOÓ LAÁWI 11:47

as kahhó' gár qoom /aymaro nee ar ta waki kawa tsahha', ar hariim /aymaro nee ar harimaaká /aymaro kawa tsahha'.

TLAHHOÓ LAÁWI 13:50

Kaahamusmoó Mungú deeír gawaá tlawuudá' gari xuuxuu', nee tlawuudá' guri dirkaárí baats deelo faanqwe.

TLAHHOÓ LAÁWI 14:57

Adoorí an adór gár slasla/aar kar tsaahhi nee ar hhoohhooe. Adoorí an adór dabér tiqtír tsatmit i diri'.»

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.