ESEKIELI 44:13 - Biblía Axweesantá Hhohho' ar Mungú 2004

¹³ Inooín i male i tseewuy'aaká as iwa sagadiyusiya' adór kaahamuuse, laqaá xooslar'eé' tidá' hhohho' ngi malé kwatimitiaaká, laqaá tidá' ak ló'wa hhohho'. Ala inooín ki mureekees nee tlehhmi'ii'ín kudá' slasla/aren naa tlehhiitiyé'.

ESEKIELI 44:13 Iomraidhean Croise

2 WAAWITÁ 23:9

Ala kaahamuuse tidár amór kiteeridá' gawa na tsa/ani'iiká amór kitangwduú baraá Yerusalemu, kuduú AAKOÓ MUNGÚ, ala inooín mikaátér taa sluuftisiiká ngina /ayiyé' baraá tla/ángw hhaeeín wa ale.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

ESEKIELI 16:61

Daqaní kiíng tlehhmi'iiwók i insleér tari murút qoomár hhaeewók awa dasu birnga dabaawók i qaás, hho'oorók ar ur nee ar niinawe, adór dasuuwók wa aleeró, ala adoorí a tleehhaaká as al'axweesantá nee kiíng na qaasaán.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

ESEKIELI 32:20

«Múk Misri ku hhaamiis dinkwa nee mukdá' taa tsuú/ baraá slaqwaraaro. Paánga kaa amohhe'eés ar múk yaamaá Misri tsu/uta.

ESEKIELI 36:7

Looeemaawo anuú Aakoó MUNGÚ a kah, ‹Múk xoordaá hatlá' kudaá awa inslaawayhúng, inooíná kilá' kin /oosliislín.

ESEKIELI 39:26

Qoomár barta hoot ar wayda baraá yaamuuine, qoomár bar gár gi dae tlaaq i káhh, alsi'imuuín kudá' naa tleehhiyé' ngun gunqaresiyá'.

FAARO 18:3

Inooín gadiyér kuúng taa ó' ngi tleehhiye', nee gadiyér heémaadá' sleémeero ngi boo/eesiye'. Ala inooín xosluudá' hhohho' ar baraá heéma mingiwa kwatiitiyé', laqaá mindiwa tseewuyé' dír kitángw ilahhooa as matawa qaátl dinkwa nee kuungá'.