ESEKIELI 44:11 - Biblía Axweesantá Hhohho' ar Mungú 2004

¹¹ Inooín gadiyeé ngin tleehhiyá' didár hotaaeé' wa alé, adór sagadiyuusér afér maraá dooeé' xuum, nee tawa gadiyuusi baraá dooeé' wa ale, nee hikwaadá' muu naa ilahhooár da/tá wa huwahuúw nee awa ilahhooár muruú ta tsu/i as ngiwa tsu/iya'.

ESEKIELI 44:11 Iomraidhean Croise

2 QOM'I 29:34

Kaahamuusér Mungú muruudá' daqarooro gway harslaaqát, asma inooín ki ureeká. Gawaá adoorihe, hhaeeín kudaá tlahhoó Laáwi daqarooro ngay alee/iisiyé' kari hhe'eés. Qoomaarihe kaahamuusér Mungú ar yaariir taa hhoohhooés (Asma múk Laáwi oo taa hhoohhooees ku úr ta kaahamuuseero).

2 QOM'I 30:17

Asma mukdá' aa didií burumburiti'i awa yaariir taa hhohhoeesi'iiká, múk Laáwi deelmooduú oo deelór Pasaáka ngway gaasiyé' as mukdá' taa hhohhoeesiiká kuwa hhohhoeesi dír AAKOÓ MUNGUHE.

ESEKIELI 40:45

Heedaádá' aníng iri báy, «Kutuwirí baskú ga/aw ar kaahamuusér Mungú, tidá' gadiyuus dír Doó Mungú wa ale.

ESEKIELI 44:14

Tam adoorihe inooín baalaqasidár xuumár dooeé' ngi oohiyá', nee gadiyeé sleémeero ar ta didá' wa tleehhi, inooín sleeme ngi tleehhiyá'.»

ESEKIELI 46:24

Heedaádá' iri báy, «Gaarí an akweeso awa sagadiyuusér Doó Mungú, ilahhooadár muruú ta tsu/i ar muu ni huwaahuwi kan gawaaká' wa humín.»

FAARO 16:9

Xáy kuungá' ka ga/eera', a gár niinaáwe tunduwa tsawaár baraá tla/ángw múk hatlae as Mungú kuwa sagadiyusa' baraá heémár AAKOÓ MUNGÚ wa ale, nee tawa sihhmita' as xooroorí kawa sagadiyuusa'?

FAARO 18:2

Kuúng hhaeewók kudaá tlahhoó Laáwi huweek, kudaá guruú doó baabuúwók huweek dír bihhiiwók, niwa dirók i haragwaaiya' nee uwa sagadiyuusiya' qoomár kuúng nee daaqaywók bar dír geeraá heémár lamabu'uúngwí diriiá'.

FAARO 18:6

Aníng hhaeehúng awa tlahhoó Laáwi iga tsawaár baraá tla/ángw múk Israelír wa ale, tawa adór qeemuú naa dirhúng i haniís. Inooín kaa paraátl as anuú AAKOÓ MUNGÚ as tawa gadiyuusi baraá heémár Mungú wa ale.

FAARO 4:1

AAKOÓ MUNGÚ Mose nee Aroni gina i axweés, iwa kaahi,

FAARO 8:26

Alaá gadiyeede bira waátl, inós hhaeewós kudaá tlahhoó Laáwi ngi alee/iimisi qoomár bir gadiyuusiyá' baraá heémár Munguhe, ala inós gadiyeé mingiwa kilós tleéhh. Adoorí an adór gadiyér múk tlahhoó Laáwi kar qoomeemes.»