ESEKIELI 43:7 - Biblía Axweesantá Hhohho' ar Mungú 2004

⁷ Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

ESEKIELI 43:7 Iomraidhean Croise

1 WAAWITÁ 8:13

Ar looeemaawo doó hotaawók ngwaa tleéhh, tawa dír hotaawók ay alhhe'eesay wasle.»

2 WAAWITÁ 16:4

Aluuwo Ahasi ilahhooár muruú ta tsu/i nee mooyángw tsuú' gina hanmiís gawaá gongoamá wa ale, nee dír gamuú umuú xa'anoó naa/e.

1 QOM'I 28:2

Naagáy Daudi iri sihhiít, iri oó', «Hháe, muk'eé', aníng iiárií qaasaré', aníng aáng geeraawo ana tsabiím baraá muunaáeene doó sandakmoduú alqadór AAKOÓ MUNGÚ nguwa tleehh, nee kitángw Munguúrén ya'aawós ngi qaasi, nee xooslaá tlehhma ina amohhe'eés.

WARA'AMI 132:14

«Diirí an dir'eé' ar amohhoo' ar alhhe'eesoó koomaaká. Diirí an hoót asma aga waatlakweés.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 47:8

Mungú xoordu gi sawaawuti'ín, Mungú aa iwiít gawaá kitaangós kudá' hhoohhoó' oo aleesleemu.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

TI'INAANGW 25:8

Inooín dír hotaaeé' ngi tleehhiye', as kahhó' niwa baraá tla/angw'ín wa hoot.

TI'INAANGW 29:45

Aníng nari hoót baraá tla/ángw múk Israelír wa alé. Aníng tari Munguúín.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 17:12

Kitángw xirif iimír iimu/uungo i gáwtí dirii', an dír Doó Mungú i dirii'i.

YEREMIA 3:17

Nee qoomaadae gixsár Yerusalemu ka bay, ‹Kitángw aleesleemu oo AAKOÓ MUNGÚ.› Nee xoordu sleémeero niri burumburitiyá' dír geeraaeé'. Adoodá' tlaakw muner'ine ta slai ngi eehariaaká.

ESEKIELI 1:26

Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

ESEKIELI 39:7

Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.

ESEKIELI 43:9

Hám daxta slaqsi'iidá' ngi maye' sluufmisuuwo, nee waawitaáín kudaá qaatl ngu amór saáwí gunqareesiye' dir'eene, daqaní aníng a hoót dinkwa nee inooín kureerisleém.

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

ESEKIELI 6:13

Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

ESEKIELI 6:5

Tuaá múk Israeli i hhaáf dír geeraá slaqsi'ii'ín kudá' munguaá hatlá', nee faduuín ngiri tsaafiís bihhaá kitangwdá' ta ilahhooár wa hanmaamisi.

HOSEA 14:8

Aá múk Israeli, gár slaqsi'iisíng kis sla'a? Aníng firorhúng ngin mu/aywatsatsiím nee nun amohhe'emaamiís. Aníng a adór xa'anoó mahhtírhúng oo ta bay beroshi, kudá' qaantsaár daqisleém. Kuungá' mamuuhúng in dir'eé' wa sleerá'.

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

SEKARIA 13:3

Barnaxes heé wák ti adór aarusmo tlehhiit, baabuúwós nee aayoorós burngwa ariyé' ngun baya', ‹Kuúng a gaasa, asma lama ana axwés ar umuú AAKOÓ MUNGÚ.› Nee hamtidár kilá' iwa aaririn xwayliiteérós gun mút ar tsataay iri gwaa'.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Geehhoeemaá 22:3

Gár taa lu'ús nee Mungú ka baloó ariiká baraá gixsarihe. Ala kitangwduú aleesleemu oo Mungú nee oo Deelmoó bee/i i baraá gixsadá' i dirii'. Nee sagadiyuuseerós inós guri baraadá' wa sluufmís.