ESEKIELI 43:22 - Biblía Axweesantá Hhohho' ar Mungú 2004

²² Matlaatleero looa birna tleér, gurtuú xaslxaansli wásl ku hanís as tawa ilahhooár tlakweema hingeesa, kitángw ilahhooa ku hheehhe'és adoodá' kura hheehhe'és ar tseerér awu.

ESEKIELI 43:22 Iomraidhean Croise

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ESEKIELI 43:20

Tseere ka qás gawaá kankemoodá' tsiyáhh awa kitangwduú ilahhooa, nee gawaá gangeefaydá' aa harweerin. Adoorí an adoodá' kitángw ilahhooa kur paratl, as kuwa haraki/isárí tlehh.

ESEKIELI 45:18

«Anuú Aakoó MUNGÚ a kah, Bál slahhángw geera tawa wak awuú xaslxaansli wásl gaasaak as didár hotaaeé' kawa hhohhoeesa'.

TLAHHOÓ LAÁWI 1:10

«Barnaxes hee ilahhooarós ar da/a ga haniisár wa slaa' baraá daqtós ar bee/aangw laqaá ar aara, ilahhooár gwaanda, laqaá gurta oo xaslxaanslír koomaaká ngu haniisi.

TLAHHOÓ LAÁWI 16:18

Aluuwo niri tsee/áy ti'iit ay dír kitangwduú ilahhooa oo dír geeraá AAKOÓ MUNGÚ, tseerér awu nee ar gurtuuwo gari bahh taataahh, gari sliik ar xareemaá kitangwduú ilahhooa.

TLAHHOÓ LAÁWI 4:23

Inós burkwa xu'utís tlakweemaawós kudae, inós gurtuú xaslxaansli wásl ngu haniisi, tawa ilahhooarós ar tlakweema hingeesa.

TLAHHOÓ LAÁWI 4:26

Wahhna sleémeero ar gurtuudá' gan daa/ gawaá kitángw ilahhooa, adór wahhnár gár taa ilahhooár waydú wa gaás ka /imaamisi. Gawaá adoorihe kaahamusmo haraki/isa gan tleehh as geeraharusmoodá', inós kway gurtláy.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.