ESEKIELI 42:14 - Biblía Axweesantá Hhohho' ar Mungú 2004

¹⁴ Kaahamuuseedá' aa gadiyus didá' hhoohhoó' wa ale qoomár bir ti'inángw slaiyá' amoodár afeenír tsee/a, tlabaaín ngi baraadií duuxiyá', kudá' aáng naa dahaasiyé' qoomár iwa AAKOÓ MUNGÚ sagadiyusiya', asma tlabaadá' ki hhohho'. Inooín in hariná' tlabaaín ngiwa duuxiya' qoomár tawa ti'itiiká amór dinku'uumár múkwií alé.»

ESEKIELI 42:14 Iomraidhean Croise

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ESEKIELI 44:1

Heedaádá' aníng iri ki/ís dír afkuduú tsee/a, kuduú bihhaá da/aáw, guruú tsee/a didá' hhoohhooe, nee afkudá' kwa tseék.

ESEKIELI 44:19

Qoomár inooín birna ti'itiyé' amór afeenír tsee/a amór muu, tlabaaín kudá' naa dahaasiyé' qoomár tawa gadiyuusi, ki duuxi nee kiri baats baraá kutuwaydá' hhohhó'. Tlabaadá' aqo ngin warqeesiyá' nee awa hatlá' aqo ngi dahaasiyá' as muu mukuwa hhoohhooeés ar tlabaaín kudá', qoomár birti kwatimitiyá'.

TLAHHOÓ LAÁWI 16:23

«Naagáy Aroni iri kii/ baraá heémár Mungú, tsitaywós kudá' taa tleéhh ar kitaáni, kudá' aa dahaás qoomár iwa dahmaá ay didá' ló'wa hhoohhoo', guri duux, guri didií geexáy.

TLAHHOÓ LAÁWI 16:24

Iri didá' hhoohhoó' wa hamtlín nee tlabaawós giri dahaas, iri ti'iit, ilahhooarós ar da/a gari haniis, nee ilahhooár da/a ar múk Israeli, as haraki/isa ngiwa tleehhi as inós nee as muu sleémeero.

TLAHHOÓ LAÁWI 8:13

Mose daaqoó Aroni guri dír geerií huúw, giri tsiitiís ar hiyi'i, giri afeetle him'eérí tsegiít, giri kofiyadúwí dahmiís, ar adoodá' AAKOÓ MUNGÚ ngira hara'ayín.

TLAHHOÓ LAÁWI 8:7

Naagáy Aroni guri tsiitiís ar hiyaay, guri himuú afeetló i tseék, nee guri hiyoó niiná i dahaás, guri tsiitiís ar naifeéra, gari tseék gawaá afeetlo ar himuudá' taa parootuús.

Luka 9:62

Yesu guri báy, «Heé kurmoó doosla gwa oh, aluuwo iri alií xumiis, waawuti'iimár Mungú ga hardahasiiká.»

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Galatia 3:27

Asma kuungaásingá' sleémeero awa taa haragaás nee Kristo ar loohír baatiísmo, kuungá' Kristo ugwa tsité' adór inqwaarír wa ale.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»