ESEKIELI 42:13 - Biblía Axweesantá Hhohho' ar Mungú 2004

¹³ Heedaádá' aníng iri báy, «Kutuwaywí sleémeero ku ló'wa hhohhó'. Baraá kutuwaywihe kaahamuusér Mungú, tidá' darah dír geeraá AAKOÓ MUNGÚ, ilahhooadá' hhohho' gan /aa/ák, nee sluufaydá' hhohhó' sleeme. Diirí an dír ilahhooár balaangw kay qamaamin, nee ilahhooár tlakweema hingeesa nee ar dakuús fiitsa as didá' kawa hhoohhoó'.

ESEKIELI 42:13 Iomraidhean Croise

NEHEMIA 13:5

Kutuwír ur gana amohhe'eés as Tobia, kutuwidá' ta ilahhooár balaángwí qamaamín nee ar mooyaango nee xoosla, nee ilahhooár balaangw ar gár wák baraá mibaango nee difaái nee di/i, tidá' taa hara'ayín kawa hanmiisi dír múk tlahhoó Laáwi nee daauuse, nee xuumuusér afér doó Mungú, nee ilahhooa as kaahamuusér Mungú.

TI'INAANGW 29:31

«Daqaní kuúng fu'unaá gwaandudá' kira parátl ki humiín didá' hhoohhoó' wa ale.

ESEKIELI 40:38

Dír afeenidár tsee/aawo kutuwír hatlá' i deer ar taa doogiye' nee loohidá' naa /iíkwár dat. Kutuwirí ti ga/ayá' nee matla/aangw, diirí an dír makaydá' ta ilahhooár dá/tá wa hanmaamisi kiwa hamtlatliti.

ESEKIELI 40:46

Nee kutuwidá' /iikú ga/aw an kutuwír kaahamuusér Mungú, tidá' gadiyuus dír kitángw ilahhooár wa ale. Kaahamuuseerír Mungú ar guruú doó Sadoki, inooín kilooín an múk taa pa/aángwí haniís baraá tlahhoó Laáwiwo, iwa dír geeraá Aakoó MUNGÚ kakaya'.»

ESEKIELI 41:12

Alhhe'eesoó kilá' oo afeenidá' bihhaá /uwaawo doó tleerantleér oo tlenaango miíta mibeeri tsiyáhh nee kooán, nee intlaxweemaawo a miíta mibeeri tám nee kooán i deer. Koo/irós yaangareemaawo a miíta tsár nee tlaqi.

ESEKIELI 42:1

Naagáy heedaádá' aníng iri huúw dír afeenidár tsee/a ay dír do'duú bihhaá /iíkwií dirií', iri dahaás ay baraá kutuwaaydá' nee afeenír Doó Mungú ti ga/aawá' nee do'duú bihhaá /iya.

ESEKIELI 42:10

didár koo/idár tsee/a iwa iimu/uún. Bihhaá basko doó hatlá' i deer oo nee kudá' ti slawá', ku saweeká dír do'oduú bihhaá /uwawo dír Doó Munguhe.

TLAHHOÓ LAÁWI 10:17

«Ahaá waáy, ilahhooár tlakweema hingeesa masa didá' hhoohhoó' wa /agi'iiká? Asma ka ló'wa hhoohhoo' Mungú ngina dirhúngí haniís as kahhó' kuungá' dakuúsár xooro kawa hingeesa', nee haraki/isa kawa tlehha' dír geeraá AAKOÓ MUNGUHE.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 14:13

Naagáy deelmooduú bee/i guri gaas didá' hhoohhoo' ar makaá ilahhooár tlakweema hingeesa nee ilahhooár da/a ki tsu/aa/in. Ilahhooarír dakuús hingeesa nee ar tlakweema hingeesaro a hariímár kaahamusmoó Mungú.

TLAHHOÓ LAÁWI 2:10

Ilahhooarír da/a taa haniís dír AAKOÓ MUNGÚ ka ló'wa hhoohhoo', nee bartadá' aa met kan haniis dír Aroni nee daaqaywós.

TLAHHOÓ LAÁWI 2:3

Bartadá' aa met baraá ilahhooarír da/ato ar Aroni nee daaqaywós. Asma ilahhooarí taa haniís dír AAKOÓ MUNGÚ ka ló'wa hhoohhoo'.

TLAHHOÓ LAÁWI 21:22

Heewí muruudá' ló'wa hhohhó' oo taa duúx Mungú wa ale ngu /ayi, nee kudá' hhohhoe.

TLAHHOÓ LAÁWI 24:9

Aroni nee xwaylarós kilooín i hariná' mikaátedá' kawa /ayi didá' hhoohhoó' wa ale, asma ka ló'wa hhohho', nee sleeme an ilahhooár tinda haniís as anuú AAKOÓ MUNGÚ ar asla. Tí an hariímar'ín ay alhhe'eesay wasle.»

TLAHHOÓ LAÁWI 6:19

AAKOÓ MUNGÚ Mose guri báy,

TLAHHOÓ LAÁWI 6:29

Umuúqo kaahamusmoó Munguhe ilahhooarí ga /aay. Gaarí an ilahhooár hhoohhoo' kángw kilá' wa ale.

TLAHHOÓ LAÁWI 7:1

«Gaarí an dabér ilahhooár dakuús hingeesa, an ilahhooár hhoohhoo' kángw kilá' wa ale.

TLAHHOÓ LAÁWI 7:6

Umuúqo hhawaatuuwo baraá kaahamuusér Munguhe fu'unaay gin /aay didá' hhoohhoó' wa ale asma kiwa ló'wa hhohhó'.

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 16:5

Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

DABE 21:5

Daqaní kaahamuusér Mungú ar tlahhoó Laáwi, ni didií hardat, asma AAKOÓ MUNGÚ, Munguúhúng inooín gina tsawaár as nguwa sagadiyuusiya', nee tsuuqa ngiwa hanmiisiya' ar umuú AAKOÓ MUNGÚ. Inooín aleesleemu ngu koná' oo qaa/oó gila nee oo muruú /uuru nguwa tlaaqiya'.