ESEKIELI 41:4 - Biblía Axweesantá Hhohho' ar Mungú 2004

⁴ Kutuwidá' gari qoomeés, bihhe sleémeero i alqoón, bihheerós a miíta mibaangw. Kutuwirí i geeraá didá' hhoohhoo'. Aluuwo aníng iri báy, «Diirí an didá' ló'wa hhoohhoo'.»

ESEKIELI 41:4 Iomraidhean Croise

1 WAAWITÁ 6:16

Kutuwidár baraá guruú do' tidá' ta bay didá' ak ló'wa hhoohhoo', kana tleéhh amór alaá do'. Kutuwidá' kana tleéhh ar peehhoó sahhta iimír baraá matla/ángw wa tleemu ay gawaá daári, tlenaangós a miíta gwaleél.

1 WAAWITÁ 6:20

Kutuwirí tlenaango a miíta gwaleél, nee bihheero aqo malé miíta gwaleél, nee tlenángw gawa sleeme a miíta gwaleél, kari parootuús ar sahaábuú hhohhó'. Kitángw ilahhooa guri tleéhh ar peehhoó sahhta.

1 WAAWITÁ 6:5

Koo/ír do' gana harweér ar kutuwaay, kuká' tina oohiyé' nee koo/ír do' umuúqo diiro ar doó saalingo nee ar do'duú baraá guruú do' i diriia. Kutuwoó bihhér do' guna tleéhh bihhe sleémeerowo.

1 WAAWITÁ 7:50

Slooqi'i nee makasoó taámbay tlaqa nee búklayduú mooyango nee hhaansa'aá asla taatahhaango, sleémeero gár kira tleéhh a sahaábuú hhohhó', nee nahhtá taa tleéhh ar sahaábu ar afér maandár baraá guruú do', didá' ak hhoohhoo', nee afkú dahmuú baraá matla/ángw Doó AAKOÓ MUNGÚ, nahha sleémeero ar sahaábu.

1 WAAWITÁ 8:6

Kaahamuuse sandakmooduú alqadór AAKOÓ MUNGÚ guri dahás didá' kuwa hariím, didár baraá guruú do' ar doó Mungú, didá' ak ló'wa hhoohhoo', baraá guruú hhampa'aá slaqsi'iidaá keruúbi.

2 QOM'I 3:8

Slám didá' ak ló'wa hhoohhoo' gana tleéhh, tlenaangós a miíta gwaleél, nee tlenángw bihheerós a miíta gwaleél sleeme, kari na/aás ar sahaábuú hhohhó' nee na/misuudá' gár aa faák a taáni mibeeri tsár nee kooán ar sahaábu.

2 QOM'I 5:7

Adoorí kawa hhe'eés kaahamuusér Mungú sandakmoó alqadór AAKOÓ MUNGÚ kway huúw baraá doó Mungú, kuri qaás didá' ak ló'wa hhoohhoo' baraá guruú hhampe'eeraá slaqsa'aá keruúbi.

ESEKIELI 41:23

Afkuko i deer oo dahamaá baraá matla/ángw Doó Mungú nee afkú hatlá' oo dahamaá didá' ló'wa hhoohhoo'.

Geehhoeemaá 21:16

Gixsadá' tlenaangós nee tlenángw bihheero a gár wák. Inós gixsadá' gari qoomeés ar daaír aáng. Har qoomaywós a adór kilomiíta kume tsár nee tsiire tsár nee mibeeri tsár. Tlenangós nee tlenángw bihhe nee tlenángw gawa sleémeero a wak.