ESEKIELI 41:22 - Biblía Axweesantá Hhohho' ar Mungú 2004

²² adór kitángw ilahhooa oo taa tleéhh ar peehháy i deer. Tlenaangós a tlaqtá miíta nee bihheerós a miíta wak, xareemiiwós iwitanangós nee bihheerós sleémeero kina tleéhh ar peehháy. Heedaádá' aníng iri báy, «Gaarí an meésadá' hoot dír geeraá AAKOÓ MUNGÚ wa ale.»

ESEKIELI 41:22 Iomraidhean Croise

1 WAAWITÁ 6:20

Kutuwirí tlenaango a miíta gwaleél, nee bihheero aqo malé miíta gwaleél, nee tlenángw gawa sleeme a miíta gwaleél, kari parootuús ar sahaábuú hhohhó'. Kitángw ilahhooa guri tleéhh ar peehhoó sahhta.

1 WAAWITÁ 6:22

Do' sleémeero guna parootuús ar sahaábu, do' sleémeero iri hhooáy. Kitángw ilahhooa oo didá' ak ló'wa hhoohhoo' guri parootuús as sahaábu.

1 WAAWITÁ 7:48

Solomon xosluudá' sleémeero dáw baraá doó AAKOÓ MUNGUHE gana tleéhh, kitangwduú ilahhooa oo sahaábu nee meésár sahaábu as kawa mikaátér Mungú i qamin.

2 QOM'I 4:19

Naagáy Solomon xooslaarí sleémeero ar doó Mungú gana tleéhh: Kitángw ilahhooa guri tleéhh ar sahaábu, nee sleeme meésár ta mikaátér Mungú i qamin.

TI'INAANGW 25:23

«Kuúng meésa an tléhh ar peehhoó masqaryaán, tlenaangós a sentimiíta mibeeri dakaát nee dakaát, uroó bihheero a sentimiíta mibeeri tsiyáhh nee tsiyáhh, baráy wa tleemu ay gawa a sentimiíta mibeeri lahhoó' nee lahhoó'.

TI'INAANGW 30:8

Qoomár tsiindoowo bira tsaa'asór da/tá áy ilahhooarír mooyángw tsuú' gan daa/ sleeme. Ilahhooarír mooyángw tsuú' koom an hanmisá' dír AAKOÓ MUNGÚ umuúqo qarto ay qari sleémeero.

AXWEESANOÓ SAGALOOA 9:2

Hikwaá ta /ayi gaa tsú/, difaáirós gaa amohhe'és, muruú /ayma gwaa hhe'és qaasaaro.

DAA'AANGW 1:12

Qoomár waawutmo iwa iwiít gawaá kitaangós kudá' bununuúq Mooyangw'eé' kuduú nárdo nina tláy.

ESEKIELI 23:41

Aluuwo tari iwité' gawaá kiteeraá hhohhó' nee meésár ta tlabií hhaáf kari geeraaíní qasé'. Gawaá daanduú meésarihe mooyangw'eé' kudá' tsuú' nee di/taeene kaa qaás.

ESEKIELI 44:16

Kuká' kilooín an kudá' dahá' didár hotaaeé', inooín nin tseewuyá' dír kitangwduú ilahhooa as iwa sagadiyuusiya'.

TLAHHOÓ LAÁWI 24:6

Mikaátedá' ka qoomés baraá hha'aá tsár dír geeraá AAKOÓ MUNGÚ gawaá meésár taa tleéhh ar sahaábuú hhohhó', nee umuúqo hhaywo a mikaáte lahhoó'.

MALAKI 1:12

Ala kuungá' umuueé' un slasla/aremisá', asma tawa kata', ‹Kitangwduú ilahhooa kay hanmaamisi kwaa slasla/areés, nee muruú /aymaadá' taa gawaadií qaás a gár waaqa'atiit.›

MALAKI 1:7

Muruú /aymár tligoó koóm u duxuundá' dír kitangwduú ilahhooar'eé'. Ala kuungá' a kata', ‹Adór kura slasla/areesaán a adoomá?› Asma kuungá' an kata', ‹Kitangwduú ilahhooa a gár waaqa'atiit.›

1 Korinto 10:21

I ya/aandaaká kuungá' xooslmoó Aako kuwa ar wahaanda', nee xooslmoó neetlaame sleeme kuri malé ar wahaandá'. I ya/aandaaká kuungá' tawa dinku'uumisa' dír meésár Aakoowo, nee tari malé dinku'uumisá' dír meésár neetlaame sleeme.

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.

Geehhoeemaá 8:3

Malaykamoó hatlá' niri hardáh iri sihhiít dír geeraá kitángw ilahhooa. Inós xooslmoó sahaábu gu kón oo muruudá' mooyángw tsuú' koóm ku i da/a/an ilahhooár wa ale. Muruudá' mooyángw tsuú' koóm oo yaariír kuri inós i haniís, as nguwa haragaasi dinkwa nee firór múk hhohhó' oo Mungú, gawaá kitángw ilahhooa, kuduú sahaábu. Kitaangwí i dír geeraá kitángw aleesleemu.