ESEKIELI 41:1 - Biblía Axweesantá Hhohho' ar Mungú 2004

¹ Aluuwo heedaádá' iri huúw ay baraá guruú do', didá' hhoohhoo'. Inós loohidá' baraá dó' i darah gari qoomeés, tlenaangós oo baraay a miíta tám,

ESEKIELI 41:1 Iomraidhean Croise

1 WAAWITÁ 6:1

Kurkú tsiire tsiyáhh nee mibeeri dakaát alaá múk Israeli niwa yaamaá Misrír wa ti'iít, kurkú tsiyáhh oo waawuti'iimár Solomonuwo daanduú Israeliwo, slahhángw tsár oo ta babay slahhángw Sifu, Solomon Doó AAKOÓ MUNGÚ guna iimu/ún tlehhmuuwo.

1 WAAWITÁ 6:2

Do'owí Solomon aa AAKOÓ MUNGÚ i tleéhh, tlenaango a miíta mibeeri tsár nee faanqw, nee uroó bihheero miíta gwaleél nee tlenángw gawto a miíta mibaá nee tám nee tlaqi.

ESEKIELI 40:17

Naagáy heedaádá' iri huúw ay dír afeenidár tsee/a ar Doó Mungú. Didaádae kutuwoó ninákw oo mibeeri tám oo koo/idá' gaa tsee/aá wa harweer i deer, nee dír geeraá kutuwaywihe afeenír taa tlaa/ér tleéhh i deer.

ESEKIELI 40:9

Aluuwo koo/irós tidár tsee/a gari qoomeés, yaangareemaawós a miíta wak. Bihhaá guruú baraá do'o awa afkú do' ki ló'wa hartseew nee Doó Mungú.

ESEKIELI 41:21

Maanda nee duxuutér didá' hhoohhoo' i alqoná'. Dír geeraá afkuduú dahamaá didá' ló'wa hhoohhooe garkar

ESEKIELI 41:23

Afkuko i deer oo dahamaá baraá matla/ángw Doó Mungú nee afkú hatlá' oo dahamaá didá' ló'wa hhoohhoo'.

ESEKIELI 41:3

Aluuwo iri dáh baraá kutuwidár baraá guruú do'. Loohidá' aa baraá guruú dó' i dat gari qoomeés, tlenaango a miíta wak nee intlaxweemaawós a miíta tám nee tlaqi. Koo/idár bihhér loohi a miíta tám nee tlaqi.

ESEKIELI 42:1

Naagáy heedaádá' aníng iri huúw dír afeenidár tsee/a ay dír do'duú bihhaá /iíkwií dirií', iri dahaás ay baraá kutuwaaydá' nee afeenír Doó Mungú ti ga/aawá' nee do'duú bihhaá /iya.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

Geehhoeemaá 21:15

Nee kudá' aa axwees nee aníng, inós i daaír kón ar taa tleéhh ar sahaábu, as gixsadá' ngiwa qoomeesi ar daaidá', nee afeerós nee koo/irose.

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.