ESEKIELI 40:7 - Biblía Axweesantá Hhohho' ar Mungú 2004

⁷ Kutuwoó xuumuuse umuú bihhér tar waraahhi i deer, umuú kutuwiro tlenángw bihheerós sleémeero i qón, a miíta tám. Koo/ír taa kutuwaywír qasiís yaangareemawós a miíta tsár nee tlaqi. Dír matla/ángw hungu/uumis tlenaangós a miíta tám. Afkós i amór kutuwidá' úr ga/áy nee Doó Mungú.

ESEKIELI 40:7 Iomraidhean Croise

1 QOM'I 23:28

Gadiyér taa dir'ín i haniís a tí: Kaahamuusér Mungú tidár tlahhoó Aroni kawa ale/iimisi baraá gadiyér Doó AAKOÓ MUNGUHE, afeenár doó Mungú nee kutuwaywo kiwa amohhe'eemisi, nee xosluudá' hhohho' kawa hamtliti, nee umuúqo gadiyér dawa baraá doó Munguhe.

1 QOM'I 9:26

Mukdá' tsiyáhh a geeraharuusér xuumuuse an múk tlahhoó Laáwi, inooín an sagesihhtuusér doó Mungú nee daqaari'iimarose.

2 QOM'I 3:9

Musumároó ira gadiyuús a graámu tsiire kooán nee mibeeraá faanqw oo sahaábu. Kuna koo/ír gáwtár tleéhh, nee sleeme koo/idá' kay niinkiriíts ar sahaábu.

2 QOM'I 31:11

Aluuwo waawutmo Hesekia giri ádbáy meeweé kawa tleehhi baraá kutuwír doó AAKOÓ MUNGÚ. Inooín ngiri tleehhiyé'.

ESRA 8:29

Xuumaak nee amohhe'eemisaak ay dír kay qoomeesi dír geeraá kaahamuusér uren, nee dír geeraá múk tlahhoó Laáwi, nee geeraá geeraharuusér uren ar múk Israeli baraá Yerusalemu, ay dír kay batsi baraá kutuwayduú baraá doó Mungú.»

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

ESEKIELI 40:10

Didár dahama i kutuwoó tám oo xuumuusér koón, umuú bihheero uraywo a slaqmiimís, koo/idá' gaa paratl yaangareemawo i alqoná'.

ESEKIELI 40:21

Kutuwoó tám oo xuumuuse i deer bihhaá umuú afkú do'o. Tlenángw maandár kutuwaydá' nee qul/áywose aqo adór kuduú da/aáw haár. Tlenángw loohidá' a miíta mibeeri tsár nee kooán, nee bihheero uraywo a miíta mibaá nee tsár nee tlaqi.

ESEKIELI 40:29

Kutuwoó xuumuuse nee matla/eerduine nee koo/iro sleémeero uraywo i alqoná' nee kudaá hatlá'. Pa/eeri sleeme i dayá' dír bihhaá loohidár dahamaá baraá matla/aango. Tlenángw loohidá' a miíta mibeeri tsár nee kooán, nee bihheero a miíta mibaá nee tsár nee tlaqi.

ESEKIELI 40:33

Kutuwáywós sleémeero kuduú xuumuuse, nee uheemiwós kudaá baraá guruú do', dinkwa nee matla/aangós sleémeero, uraywo i qoná' nee kudaá hatlá'. Pa/eeri i dayá' bihhe sleémeero, tam baraá qul/ayhe, nee baraá kutuwidá' tar daraahi. Tlenaangós a miíta mibeeri tsár nee kooán, nee uroó bihheerós a miíta mibá nee tsár nee tlaqi.

ESEKIELI 40:36

Amoodae kutuwoó xuumuuse sleeme i deer, nee koo/ír baraá guruú do' kaa qaalín, nee matla/ángw tar daraahi nee pa/eeri i bihhe sleémeero. Tlenaangós sleémeero a miíta mibeeri tsár nee kooán, nee uroó bihheerós a miíta mibaá nee tsár nee tlaqi.

ESEKIELI 40:8

Heedaádá' kutuwidá' yangaariit sleeme gana qoomeés, naxés tlenángw baraywós a miíta tsiyáhh.

ESEKIELI 42:5

Kutuwi tidár bihhaá gawa ka daqa niina ta tidár tla/aango nee tidár bihhaá baraywo.