ESEKIELI 40:44 - Biblía Axweesantá Hhohho' ar Mungú 2004

⁴⁴ Tsee/aá loohidár baraá guruú do'o kutuwoó daauuse i deer oo baraá matla/angwduú baraá do'. Kutuwír wák i bihhaá afkú /iya i baskú ge/eér, kutuwír hatlá' i bihhaá afkú da/aáw i /iikú ga/eér.

ESEKIELI 40:44 Iomraidhean Croise

ESEKIELI 40:10

Didár dahama i kutuwoó tám oo xuumuusér koón, umuú bihheero uraywo a slaqmiimís, koo/idá' gaa paratl yaangareemawo i alqoná'.

ESEKIELI 40:17

Naagáy heedaádá' iri huúw ay dír afeenidár tsee/a ar Doó Mungú. Didaádae kutuwoó ninákw oo mibeeri tám oo koo/idá' gaa tsee/aá wa harweer i deer, nee dír geeraá kutuwaywihe afeenír taa tlaa/ér tleéhh i deer.

ESEKIELI 40:23

Iimír dír loohír dahmaá afkú bihhaá /iya nee afeeni bara waaráhh, loohír hatlá' i deer ar aa gana' ay dír afeenír baraá guruú do', aqo adór kuduú bihhaá da/aáw. Heedaádá' tlenaangw guna qoomeés iimír afkú tsee/aá wa tleemu ay kuduú baraá do', gár aa sláy a miíta mibeeri kooán.

ESEKIELI 40:27

Dír bihhaá loohír dahmaawo loohír hatlá' i deer ar aa dat baraá matla/angwduú guruú do'. Heedaádá' tlenángw tla/ángw lohduudá' guri qoomeés, gár aa sláy a miíta mibeeri kooán.

ESEKIELI 40:29

Kutuwoó xuumuuse nee matla/eerduine nee koo/iro sleémeero uraywo i alqoná' nee kudaá hatlá'. Pa/eeri sleeme i dayá' dír bihhaá loohidár dahamaá baraá matla/aango. Tlenángw loohidá' a miíta mibeeri tsár nee kooán, nee bihheero a miíta mibaá nee tsár nee tlaqi.

ESEKIELI 40:38

Dír afeenidár tsee/aawo kutuwír hatlá' i deer ar taa doogiye' nee loohidá' naa /iíkwár dat. Kutuwirí ti ga/ayá' nee matla/aangw, diirí an dír makaydá' ta ilahhooár dá/tá wa hanmaamisi kiwa hamtlatliti.

ESEKIELI 40:43

Baraá matla/angwdae kikiár fu'unaay ki kiki'in ar afe magól ar sentimiíta faanqw nee tlaqi i deer. Fu'unaay kaa qaás gawaá meésa.

ESEKIELI 40:7

Kutuwoó xuumuuse umuú bihhér tar waraahhi i deer, umuú kutuwiro tlenángw bihheerós sleémeero i qón, a miíta tám. Koo/ír taa kutuwaywír qasiís yaangareemawós a miíta tsár nee tlaqi. Dír matla/ángw hungu/uumis tlenaangós a miíta tám. Afkós i amór kutuwidá' úr ga/áy nee Doó Mungú.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.