ESEKIELI 40:2 - Biblía Axweesantá Hhohho' ar Mungú 2004

² Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

ESEKIELI 40:2 Iomraidhean Croise

1 QOM'I 28:12

Daudi adoodá' do' ngur slai tlehhmuuwo gay laqán, nee afeenír doó AAKOÓ MUNGUHE, nee kutuwoó xoosla kay babaatsi, nee oo peésaadá' taa paraátl as Mungú ki babatsi.

1 QOM'I 28:19

Tí sleémeero waawutmo gana gwa/aateés ar gooi, adoodá' kura geerahaár nee AAKOÓ MUNGÚ, gadiyeérí sleémeero i tleehharut ar adoodá' kara qoomeés.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

ISAYA 14:13

Kiíng ana baraá muunaáwógi ó', ‹Aníng an tsa/ám ay gawaá doori, dír tsatse/uú Munguhe gawa, kitangw'eé' dir'ine nguri gáwtí qaás. Aníng niri iwiít gawaá tloomadár mungui tay dogiitiya', tidár amorqár /iíkwií saaw.

ISAYA 48:2

Kuungaádá' ti ateetimá' ar umuú gixsár hhoohhoo', handá' a kata', Munguú Israeli un harahhifaán, umuuwós an AAKOÓ MUNGÚ Aleesleemusmo.

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 37:22

Aníng ngari xoorór wák tleéhh nee ngiri qaás baraá yaamaá tlom'aá Israeli. Waawutmoó wák gi sawaawuti'ín inooín sleémeerowo. Inooín ta male kumiitiiká tawa xoordaá tsár, laqaá ti malé tsatiaaká kiwa de'en nee waawituú tsár.

ESEKIELI 41:1

Aluuwo heedaádá' iri huúw ay baraá guruú do', didá' hhoohhoo'. Inós loohidá' baraá dó' i darah gari qoomeés, tlenaangós oo baraay a miíta tám,

ESEKIELI 43:12

Ga/aaweek, dabér AAKOÓ MUNGÚ adór i diri' a adoorí: Yaamuudá' sleémeero Doó Mungú ngwa harweeriye' gawaá sagér tlom'i masók a yaamaá ló'wa hhoohhoo'. Adoorí an adór dabér Doó Mungú i diri'.»

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

DANIELI 7:1

Kurkú geera oo Belshasa waawutmoó Babuloni iwa waawuti'ín, Danieli ina tlatiitín nee iigu'utu guna ár qoomár iwa qaát gawaá qatantós. Tlataawós kudá' giri ququmareés gooiro.

DANIELI 7:7

«Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

MIKA 4:1

Ala qoomár alhhe'eesáy birna xeér, tloomadá' taa Doó AAKOÓ MUNGÚ i tleéhh, ka gawdees, nee kari gáwtí tleerees ta tlom'aá hatlá' sleémeero. Xoordaá amoodá' kakaawá' hhay i tsatitiiká.

Tlehhema'aá ya/Abuuse 16:9

Paulo xweeraawo iigu'utu guri ár. Heé yaamaá Makedonia guna ár, i sihhimiit, i Paúló babay, «Waaraahháng amór yaamaá Makedonia, atén ti alee/isár eer.»

Tlehhema'aá ya/Abuuse 2:17

‹Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

Galatia 4:26

Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.