ESEKIELI 40:12 - Biblía Axweesantá Hhohho' ar Mungú 2004

¹² Geeraá kutuwayduú múk xuúm, kudá' bihher'ín sleémeero miíta tám, baquú ququmaár adór kuquú ga ilaa/a i deer, tlenaangós a sentimiíta mibeeri kooán nee yaangareemaawós a sentimiíta mibeeri kooán.

ESEKIELI 40:12 Iomraidhean Croise

ESEKIELI 40:11

Naagáy heedaádá' dír waarahhama ar afkú do' gari qoomeés. Bihheerós a miíta lahhoó' nee tlaqi, yaangareemaá matla/angwdá' yangaariít, kudá' tar ohin a miíta kooán.

ESEKIELI 40:13

Naagáy heedaádá' koo/ír alaá do' gari qoomeés ay bihhaá hatlá' didá' tar waraahhi tlenaangós a miíta mibaá nee tsár nee tlaqi.

ESEKIELI 40:16

Pa/eeraá ninakw i dayá' dír umuú maandár tsee/aá kutuwaay sleémeerowo nee ay dír koo/idá' kutuwaay gwaa paratl. Slaqsoó xaa'aá slaansla kuna tleéhh gawaá maandár yooridá' tar waraahhi.

ESEKIELI 40:29

Kutuwoó xuumuuse nee matla/eerduine nee koo/iro sleémeero uraywo i alqoná' nee kudaá hatlá'. Pa/eeri sleeme i dayá' dír bihhaá loohidár dahamaá baraá matla/aango. Tlenángw loohidá' a miíta mibeeri tsár nee kooán, nee bihheero a miíta mibaá nee tsár nee tlaqi.

ESEKIELI 40:38

Dír afeenidár tsee/aawo kutuwír hatlá' i deer ar taa doogiye' nee loohidá' naa /iíkwár dat. Kutuwirí ti ga/ayá' nee matla/aangw, diirí an dír makaydá' ta ilahhooár dá/tá wa hanmaamisi kiwa hamtlatliti.

ESEKIELI 40:7

Kutuwoó xuumuuse umuú bihhér tar waraahhi i deer, umuú kutuwiro tlenángw bihheerós sleémeero i qón, a miíta tám. Koo/ír taa kutuwaywír qasiís yaangareemawós a miíta tsár nee tlaqi. Dír matla/ángw hungu/uumis tlenaangós a miíta tám. Afkós i amór kutuwidá' úr ga/áy nee Doó Mungú.