ESEKIELI 4:3 - Biblía Axweesantá Hhohho' ar Mungú 2004

³ Naagáy hhartá muqsli taataahheek ka sihhtís adór koo/ír kuúng nee gixsa nu paraatl. Daqaní guruuwók ku amór gixsarí ta harweér xu'ús, ka laqaán adór gixsarí kara harweér. Layár kawa harweeri tleehheek. Gaarí a laya dír xoorór múk Israeliwo.

ESEKIELI 4:3 Iomraidhean Croise

ISAYA 20:3

Aluuwo kurkudá' gixsár Ashdodi kawa hayóh, AAKOÓ MUNGÚ iri oó', «Ar adoodá' sagadiyusmooeé' Isaya ira hi'iimiít ar /aankwets nee ya'aá tawo, as iwa laya tleehhiti nee slaqsaay oo tleehharuút dír múk Misri nee oo Kushiro,

ISAYA 22:7

Xatsoowók kudá' ta ló'wa sla' gaardaá slaqwara baraadá' ngaa dalaa/iyé', nee mukdá' faras gwa i tsa/an aa afkú gixsarók i sihhiít.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

YEREMIA 39:1

Qoomár slahhángw mibaangw oo kurkú gwaleél iimír waawutmo Sedekia waawutmoó Yuda, waawuti'iima ngiwa iimu/ún, waawutmo Nebukadnesa waawutmoó Babuloni nee slaqwaruseerós gixsár Yerusalemu kana i haraatláy, kari haraaweél.

YEREMIA 39:2

Bál slahhángw tsiyáhh tawa gwaleél oo kurkú mibaá nee wák iimír Sedekia, tawa waawutmo, koo/ír gixsár Yerusalemu kana fooxiís.

ESEKIELI 12:11

Kibeeto, kuúng an laya dir'ine, adoodá' taa tléhh an adoodá' tleehharuut dir'ine. Inooín ki huuw baraá loohaay, kiri ar tláy tawa haasaáng.

ESEKIELI 12:6

Qoomár inooín barta xumiis, huwaawók qaaseek gawaá suuma, nee qoomár iimi bira gíp ta tleér. Gitsee/awók tuuntuukeek, nee bar hi'iimít masók amór ta keer a ga/eeraaká. Adoorihe aníng kuúng un laya tleéhh dír múk Israeliwo.»

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

DANIELI 11:17

«Waawutmooduú /iya oo haratleemu gwaa ístí tsaat ni hardah nee slaqwaruuseerós sleémeero, inós al'axweesani ga tleehh nee ga boo/ees. Dasiirós gari haniis as kawa duuxi as waawuti'iimár wakusmoowós ngiwa hhaamisi, ala adoorós tidá' i slai i ya/andaaká nee gár nguwa bu' i káhh.

TLAHHOÓ LAÁWI 2:5

«Barnaxes ilahhooár ta hanis a mukaatmoó taa tleéhh baraá xooslmoó garangariingw, masók ilahhooarí ar puuruú natsaatsaá' oo taa aleedoók nee di/tá seituúni, ala masók kwaa sluuftisiiká.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Ebrania 2:4

Tam Mungú inósuú kilá' sleeme ba/amarí gari lamabu'ún ar loohír laya nee muruú waa/oo/amo nee tlehhema'aá dimbadimbé awa /uuruú koomá', nee ar aleesleemuú dimbadimbé oo Qeeruú hhoohhoó' oo Mungú kuwa hanmiisi ar adoodá' inós i slai.