ESEKIELI 4:14 - Biblía Axweesantá Hhohho' ar Mungú 2004

¹⁴ Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

ESEKIELI 4:14 Iomraidhean Croise

TI'INAANGW 22:30

Adoorí an tlehhá' sleeme dír na/aá baris awa hikwaahúng nee awa bee/angwhunge. Na/oó slee in dír aayírós wa du'ún deelo faanqw, bál dakaate ngu aníngí haniisá'.

TI'INAANGW 22:31

«Kuungá' daqaní a múk taa paraátl as aníng, gawaá adoorihe fu'unaá makiito'ór taa gaás nee makiito'ór sla/a mi /ayaara'. Fu'unaysíng seeaawe ti hanise'.»

ISAYA 65:4

Inooín nin baraá /antuú iwaawitiyá' nee xweeraawo in wa/ángw naaqór i dirii'iyá'. Inooín fu'unaá baynamo ngin /ayiyá', ma'aá fu'unaá muruudá' ta waki in baraá xooslu.

ISAYA 66:17

AAKOÓ MUNGÚ i kaahi, «Mukdá' ti kilooín hhoohhoeemiís nee ti hamtliít as tawa dahi baraá asalmoó firór munguaá hatlá', kudá' nee kaahamuuser'ín ti alkoomá', fu'unaá baynamo ngiri /ayiyá' nee muruú hatlá' oo ta waki, nee gareeriiwo. Mukwí sleémeero ta tsuwa qaatl dinkwaárí alé.

YEREMIA 1:6

Aníng niri oó', «Aasla'áy Aakoó MUNGÚ, qaytsiít, aníng gár ni oo' a xuaaká, asma aníng ti niiná.»

ESEKIELI 20:49

Naagáy, aníng niri oó', «Aá Aakoó MUNGÚ! Muu i ló'wa qununuu/ daanduueene ta kaahi, ‹Kwí bir axweés, a axweesantá bo/ kilós gan kah.› »

ESEKIELI 4:15

Iri báy, «Gimáy daxta, ugwa pa/aángwí haniís oo tsuunkoó hikwa kuwa asltár oohis kitángw /oo/odaá muko as tawa mikaátér tlehh.»

ESEKIELI 44:31

Kaahamuusér Mungú fu'unaá gár aa kilós gwa' ngi /ayiaaká, laqaá tsir/ír aa kilós gwa', laqaá gu/umoó makiito'ór sla/a.»

ESEKIELI 9:8

Qoomár tawa múk tsu/i, aníng tina kilooeé' geexáy, niri gurúr qaát yaamu, niri /aá/, niri oó' «Aá Aakoó MUNGÚ! Múk Israeli sleémeero kudaá meet u hhaamísa, as xaraasleemawók daanduú Yerusalemuro kiwa boo/es?»

DANIELI 1:8

Ala Danieli ina tsabin baraá muunaáwós i ale muruú /aymadár waawutmo nguwa kwatitiiká, nee difaáirós tidá' i wahaahana, as dabaá tlakw mingiwa sláy. Iri tláy dír sagesihhtusmoduú múk taa karmuumúy, guri firín nguwa may as meetaawós mingiwa gaás.

TLAHHOÓ LAÁWI 17:15

«Heé yaamuloousmo laqaá hoomo oo gár aa kilós gwa' gaa /aay, laqaá ar taa gaás nee makiito'ór sla/a, gár kuwa hariím tlabaawós gin hhuunts, nee iri hamtlín, inós iri dah baraá meeta ay tsiindo. Aluuwo iri hhoohhooúy.

TLAHHOÓ LAÁWI 19:7

Fu'unaydá' bal tám birnga ayé', ki waak /aymaaro, nee ilahhooadá' ka ilaoohiiká.

TLAHHOÓ LAÁWI 22:8

Kaahamusmoó Mungú makiito'ór aa kilós gwa' mingiwa /aáy, laqaá ar taa gaás nee makiito'ór sla/a, as mitiwa meetagaás. Aníng a AAKOÓ MUNGÚ.

Tlehhema'aá ya/Abuuse 10:14

Ala Petro iri oó', «Aasla'áy, Aáko, asma aníng gár ta waki aga baloó /ayiiká.»

DABE 14:21

«Fu'unaá gár aa gwa' mi /ayaara', ala hoomoó baraá ayaahúng hoót inós ngi /ayi, laqaá weerisaak dirós i aleeró, asma kuungá' a múk hhohhó' dír AAKOÓ MUNGUHE, kuduú Munguúhúng. «Deelmoó leei laqaá oo bee/i mu humimara' baraá ilwaá aayoorós.

DABE 14:3

«Gár Mungú gu buhhtamis ma baloó /ayaara'.