ESEKIELI 39:8 - Biblía Axweesantá Hhohho' ar Mungú 2004

⁸ «Deeloorí ni daanda kah ar tsuwa ló' ni hardát. Anuú Aakoó MUNGÚ tí aga oó'.

ESEKIELI 39:8 Iomraidhean Croise

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

ESEKIELI 33:33

Qoomár tí sleémeero ni kah bira tleehharút, nee iqo tsuwa tleehharút, daqaní ngiri tsaahhiyá' adór aarusmo ir baraá tla/angw'ín i dirií'.»

ESEKIELI 38:17

Anuú Aakoó MUNGÚ a kah, ‹Kuúng an kudá' aáng kaangós naa geerií qaroó oó' ar loohír sagadiyuuser'eé', aaruusér múk Israeli, tidá' qoomaadae aa aaririin adór aluuwo ur hara'awmis nee múk Israeli tawa slaqwa'.› »

ESEKIELI 39:7

Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.

ESEKIELI 39:9

Qoomaarihe, mukdá' hoót baraá gixsadaá Israeli tindin ti'iit, xoosladár slaqwara taa geexáy kari burumbuur nee kari daa/ ar asla. Ga/aldu, nee maheeri, nee lawlu nee guhhli'i kiri baraá ásltí qaas adór migír ay kureeri faanqw.

2 Petro 3:8

Sla'aaruuser'eé', gaarí wák ma gunqareesara'. Dír Aakoowo deelór wák a adór kureeraá kumuú wák, nee slám kureeraá kumuú wák a adór deelór wák dirose.

Geehhoeemaá 16:17

Malaykamoó faanqw slooqomoowós guri gáwtí tsifaaqaás. Afór ur niri baraá Doó Mungú dáhh baraá kitangwduú aleesleemu. Afoorí iri ó', «Aa tleehharút.»

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.