ESEKIELI 39:6 - Biblía Axweesantá Hhohho' ar Mungú 2004

⁶ Aníng asla a huúw baraá yaamaá Magogu nee kudá' sleémeero hootá' ar wayda dír yaamaá afkú tlawto. Inooín ngiri tsaahhiyá' adór aníng tar AAKOÓ MUNGÚ.›

ESEKIELI 39:6 Iomraidhean Croise

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 25:22

Waawitá sleémeero oo Tiro nee Sidoniro, nee waawitá sleémeero oo afaá Tlawtá Tla/aangw.

ESEKIELI 30:16

Yaamaá Misri i daá/ ar asla, Pelusiumu slahh'amaayér ur ga sleér, koo/ír Tebesi ka yaamií daahh, nee gixsár Memfisi ka harasihhiit nee wakusmo tlaatla/ángw /awaák alé.

ESEKIELI 30:8

Aníng yaamaá Misri bira ásltí qaás nee ayeemoodá' sleémeero ngi alee/iimisá' bira qwaareés. Daqaní ngi tsaahhiyá' adór aníng tar AAKOÓ MUNGÚ.

ESEKIELI 30:9

«Baalaadae ya/abuuse a ya/aáw ar múk Kushi gu naxwtá aw, kudá' ti xuá' iwa baraá wayda. Inooín gurhaamír ur giri eér bál Misri bara hhaamiís. Ar ló' deelo ni hi'ít.

ESEKIELI 37:6

Aníng kuungá' nun dee/ár i qaás nee fu'unaywo, nee nuri tuuntuúk ar kaahari, nuri hinslií qaás, kuungá' tari slafá'. Daqaní kari tsahhá' adór aníng tar AAKOÓ MUNGÚ.»

ESEKIELI 38:11

‹Aníng a slaqwarár áw amór yaamuudá' koo/ír kooma'aaká, yaamuuká' muk'ín in waydúr hoot. Inooín sleémeero dír ta hooti a baraá gixsadaá koo/ír kooma'aaká nee awa afer'ín taa tsegitiiká ar gadaádár peehhír afkú do' tsegit.

ESEKIELI 38:13

Yaamulouusér Sheba nee Dedani dinkwa nee múk halaanu'uumár tlehhiít oo yaamaá Tarshishi nee oo isapaydá' bir yaahamisiyá', tawa kaahi, ‹Xáy, naa haasaángú léhhi? Xáy, slaqwaruuseerók aga buruumbúdi as tawa haratleera' nee haasaáng kuwa ar tleér nee peésa kawa taatahh nee sahaábu, nee haasaángú yaariír kuwa ar tleer?› »

ESEKIELI 38:2

«Heewí, warqáw amór waawutmo Gogu oo yaamaá Magogu, waawutmoó úr oo Mesheki nee oo Tubali. Aariím daanduuwose,

ESEKIELI 38:6

Sleeme slaqwaruuse sleémeero ar Gomerír daahh, nee ar Bet-togarma ar amoodár /iikú saáw daahh, dinkwa nee slaqwaruusér xoordaá hatlá' ta dinkwa nee kuúng.

ESEKIELI 39:5

Kuúng a gwá' baraá sla/a. Anuú Aakoó MUNGÚ tí aga oó'.

AMOS 1:10

Gawaá adoorihe aníng asla a qaás gawaá koo/ír gixsár Tiro, nee asla koo/irós tidá' gawit gari /ák.»

AMOS 1:4

Gawaá adoorihe aníng asla a qaás baraá doó waawutmo Hasaeli, nee asla koo/ír gawít ar Ben-hadadi gari /ák.

AMOS 1:7

Gawaá adoorihe asla a qaás gawaá koo/ír gixsár Gasa, maraywós kudá' gawden giri fák.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

Geehhoeemaá 20:8

Inós niri ti'iit as xoordu ngiwa al/agin, kudá' baraá bihhe tsiyahhaawo ar yaamií diriiá', kudá' ta babay Gogu nee Magogu. Xoorduuká' kiri burumbuur as slaqwara. Faaror'ín a adór hhasángw afaá tlawti.

Geehhoeemaá 20:9

Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.

HAR'OHUUSE 18:7

Aluuwo mukwí kooán iri tláy, tari hardáh Laishi. Mukdá' baraadá' hoót kuri ár adór ir hooti ar saxareema, adoodá' múk Sidoni ira hoót, múk yaanda hhó' nee amohhoó' oo gár hee ga yaahamiisaaká. Asma gár giwa /aaruur i káhh baraá yaamuwo inooín a daqaare, slam inooín ki saaw dír múk Sidoniro, nee gár nee muu tiwa diitsiya' i káhh.