ESEKIELI 39:4 - Biblía Axweesantá Hhohho' ar Mungú 2004

⁴ Kuúng a gwá' gawaá tlom'aá Israeli, kuúng dinkwa nee slaqwaruuseerók sleémeero nee xoordaá dinkwa nee kuúng. Aníng slaqooín in haniís as kiwa /ayi nee tsir/ór gawaá doori ar umuú kalaywo nee makaá xaraaslá'.

ESEKIELI 39:4 Iomraidhean Croise

ISAYA 14:24

AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

ISAYA 14:25

As adoorí aníng xoorór Ashuru a hhitiím baraá yaamueene, in yaamaá hara'adáh gawaá tloomar'eé' wa ale. Taaqwanay'ín gawaá isaá muk'eene un kwaáhh, tam huwar'ín an hiingeés gawaá sum'aá muk'eene.»

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

ESEKIELI 29:5

Aníng kuúng uri kwaáhh baraá xaanxaay, kuúng nee siyó sleémeero kudá' baraá yaaeerók tidá' Nilirií dirií', slaqwtók kari kwaahh baraá xatsa, heé ga foól i kaahh. Aníng slaqwtók aga haniís as tawa muruú /aymár makaá xaraaslá' nee oo tsir/ór gawaá doori.

ESEKIELI 33:27

«Kibeeto, Anuú Aakoó MUNGÚ a kah, Adoodá' aníng nir hotaatima, looeemaawo kudá' sleémeero aa baraá gixsadií meet kin hhaamiis ar paánga, heé tsee/aá /awaákí dirií' ku /aay nee makaá xaraaslá', kudá' baraá koo/ír gawít i dirií', nee kuduú baraá mar'o, tiqtír pu/i gin tsú/.

ESEKIELI 35:8

Tlom'iiwók i hatsiís tuaá múk taa tsu/i, nee baraá gongoamawoge nee tlapu mukdá' sleémeero taa tsuú/ wa/angwdá' guri dalaa/.

ESEKIELI 38:21

Aníng umuú gár de'e tlaaq a tsaanguús as Gogu kuwa ilaa/i. Anuú Aakoó MUNGÚ tí aga oó'. Slaqwaruuseerós tin kilooín layá' ar paangaduuín.

ESEKIELI 39:5

Kuúng a gwá' baraá sla/a. Anuú Aakoó MUNGÚ tí aga oó'.

NAHUMU 3:3

Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.