ESEKIELI 39:26 - Biblía Axweesantá Hhohho' ar Mungú 2004

²⁶ Qoomár barta hoot ar wayda baraá yaamuuine, qoomár bar gár gi dae tlaaq i káhh, alsi'imuuín kudá' naa tleehhiyé' ngun gunqaresiyá'.

ESEKIELI 39:26 Iomraidhean Croise

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

WARA'AMI 99:8

AAKOÓ Munguúrén, kuúng an kudá' mukók ugwa mu/aywats, kuúng an Munguúduú gurtleemuú koóm dír mukoge, ala li/oó tlakweema un bu'uún.

ISAYA 17:2

Gixsaduuwós kin xaanxaay tleehh ay alhhe'eesay wasle, tari ayaá hikwa nee bee/aangw ki tleemisi, niri baraadá' wa guiyá' tam ki dae tsatiiká.

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

ESEKIELI 15:8

Inooín dir'eene inkihhimu nguwa dakuusiyé', daxta yaamuuín in deewaameérií huúw. Anuú Aakoó MUNGÚ tí aga oó'.› »

ESEKIELI 16:52

Kiíng murér tlakweemaawók an kilók gagát. Tlakweemaawók ki ak ló'wa tlaakw ta awa hhaeewók awa dasuuwo, sleeme an lak ooaan kwaáo hhaeewók awa dasu tlakweemaá ta kon i kahhiyá', nee laqaá tam dakuúsar'ín, bar an kiíng ar qoomeesaán. Gimáy daxta, muruút nee waaqa'amawók ooheek, asma adoorihe gár i laqaqaan a hhaeewók kwisíng in tlakweemaá kon'aaká.»

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

ESEKIELI 20:27

«Hám daxta heewí, múk Israeli baweek, aníng Aakoó MUNGÚ a kah, ‹Baabi'iihúng ina /oosliisliné', asma nina iiawasleesiyé' dir'eene.›

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 32:25

Waawutmoó Elamu kwaa qaás dinkwa nee slaqwaruuseerós tidá' taa tsuú/ baraá slaqwarár wa alé. Inós kwaa harweér nee /aantaá slaqwaruuseerós tidá' taa tsuú/ baraá slaqwarár wa alé, nee kudá' sleémeero taa hheehhe'eesiiká. Qoomár iwa slafiya' muu nguna daandeemo feehhamiisiyé', nee hám daxta ta diirí, ki mureekeemiis dinkwa nee mukdá' taa tsuú/ baraá slaqwarár wa alé.

ESEKIELI 32:30

«Waawitá sleémeero oo xoordaá bihhaá /iya sleeme ta baraadií dirii', tam sleeme múk Sidoni ta aldinkwa nee múk baraá gi'i. Qoomár tawa slafi, muu nguna daandeemo feehhamiisiyé' ar /uuruuín, ala hamí daxta mukdá' taa hheehhe'eemisiiká kaa yaamií qaás ar mure, dinkwa nee kudá' taa tsuú/ baraá slaqwarár wa alé. Inooín ta aldinku'umiis nee mukdá' aa /eet baraá gi'ií alé.

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

ESEKIELI 36:31

Naagáy kuungá' hotaarirhúng tidá' tlakw kari insleerá', nee tlehhmi'iihúng kudá' tlakwe, kuungá' tari kiloohúng ahhitá' asma tlakweemahúng nee muruudá' aníng ni waak taa tlehhé'.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

ESEKIELI 44:13

Inooín i male i tseewuy'aaká as iwa sagadiyusiya' adór kaahamuuse, laqaá xooslar'eé' tidá' hhohho' ngi malé kwatimitiaaká, laqaá tidá' ak ló'wa hhohho'. Ala inooín ki mureekees nee tlehhmi'ii'ín kudá' slasla/aren naa tlehhiitiyé'.

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.