ESEKIELI 39:23 - Biblía Axweesantá Hhohho' ar Mungú 2004

²³ Xoordaá hatlá' ngiri tsaahhiyá' adór múk Israeli gár isa diya/aát tar tlakweemaín kudá' taa tleéhh dir'eene. Nina dee/aanutiyé' aníng ngiri alaá xu'ús as miwa ariyé', nee ngiri qaás gawaá dabaá wakuuser'ín as kiwa tsu/i.

ESEKIELI 39:23 Iomraidhean Croise

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

WARA'AMI 10:1

Xáy AAKOÓ MUNGÚ, asma milá baré aga sihhít amór saaw? Masa nahhát qoomár slahha'amko?

WARA'AMI 106:41

Giri afaweeriís dír xoordaá hatlá', as kahhó' kiwa sawaawuti'in nee wakuuser'ín.

WARA'AMI 30:7

AAKOÓ MUNGÚ, kuúng gurhhooaroge aníng ina tlaa/a tléhh. Ala kuúng tari ilaaeé' wá qwát, án niri amoqwaqwadiím.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 42:24

Xáy, heé Yakobo gwaa haasaáng tleehh nee múk Israeli gwa fiis, Xáy, a AAKOÓ MUNGUHEKÁHE kudá' atén taa sadakusaán, kudá' handá' lohuuwós ooharo taa siaán, nee dabeerós taa iialooesaniiká.

ISAYA 59:2

Ala tlakweemaahúng kuungá' nuna dír Munguúhúng wa paraatliyé' nee dakumisuuhúng gitsee/aawós ngaa lu/iyé', as kiwa aanda'aaká. Gawaá adoorihe inós firorhúng ga axasiiká.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

ESEKIELI 20:27

«Hám daxta heewí, múk Israeli baweek, aníng Aakoó MUNGÚ a kah, ‹Baabi'iihúng ina /oosliisliné', asma nina iiawasleesiyé' dir'eene.›

ESEKIELI 36:36

Aluuwo xoorduudá' naa meetiye' dír inslaawayhunge, ngiri tsaahhiyá' adór anuú AAKOÓ MUNGÚ tar kudá' wa/ameedá' aa hhitiruumit gaa /abees tleehhamooro, nee dahaasiingw nguri dahaás baraá yaamuudaá xaanxaay. Anuú AAKOÓ MUNGÚ tí ngina oó', nee adoorí an adór ni tleehh.

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

ESEKIELI 7:22

Aníng i alaá xu'ús as Dooeé' nguwa meetagaas, múk malguuse ta dah baraaká i ale nee kuri meetagaas.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.