ESEKIELI 39:18 - Biblía Axweesantá Hhohho' ar Mungú 2004

¹⁸ Fu'unaá múk pihh'uumár koóm ngin /ayá', nee tseerér geeraharuuseedá' uren ar baraá yaamu, tidá' ta tsu/i adór gwaandaawér wa ale, laqaá adór deeloó bee/aangw, nee laqaá adór aara, laqaá adór awér aa wahhdit ar Bashani ngiri wahiyá'.

ESEKIELI 39:18 Iomraidhean Croise

WARA'AMI 22:12

Wakuusér yaariir iga harwét adór awér yaqaambe. Inooín ina harweeriyé' adór yaqaambér xaraasl ar yaamaá Bashani.

WARA'AMI 68:30

Geeraharuusér xoordaá hatlá' tidár adór makaá baraá sla/a iigahhaateek, xoordaá uren awa /uuruú koomá', adór boohhár yaqaambe nee daqtá /uuruú koom ar tsa/eeto, muxaaximeek ay dír iiaaín nay faxaatiya', nee ay dír peésa ngi haniisiya', kudá' slaqwarár sla'á' tsiyayaxeek.

ISAYA 34:6

AAKOÓ MUNGÚ i paángár kón, aa da/atuúr tseerero, wayo ngaa oohiyé' tseerdu a adór kuqaá deeloó bee/aangw nee oo aara, tlawaanqa a tidár guumbayayáuú gwaandaawe. Asma AAKOÓ MUNGÚ amór Bosraro i ilahhooár muruú ta tsu/i ga hanmiis, tsu/utár yaariir baraá yaamaá Edomuwo i deer.

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YEREMIA 51:40

Inooín in baráy /aytiís adór deeloó bee/ángw ta tsu/i, adór gwaandaawe nee gurtaawe.»

ESEKIELI 29:5

Aníng kuúng uri kwaáhh baraá xaanxaay, kuúng nee siyó sleémeero kudá' baraá yaaeerók tidá' Nilirií dirií', slaqwtók kari kwaahh baraá xatsa, heé ga foól i kaahh. Aníng slaqwtók aga haniís as tawa muruú /aymár makaá xaraaslá' nee oo tsir/ór gawaá doori.

ESEKIELI 34:17

«Nee kuungaaká' daqataeé', anuú Aakoó MUNGÚ an kah, Kángw bee/i nee tiqá' un tsaát, nee oo gwaanda nee gurtuuwo.

ESEKIELI 34:8

Adoodá' anuú Aakoó MUNGÚ nir hotaatima, aníng aga ló'wa slahhaá' bee/angw'eé' nguwa ga/áw tawa muruú /aymár makaá xaraaslá', asma heé gu de'eém i kaahh, asma de'eemuuser'eé' bee/aangw gwa leeleehhitká, ala inooín gur'er'ín kilós ngina harmagaahhiyé'.

ESEKIELI 39:19

Baraá muruú /aymaarí ni inooín i tlehhiita, wahhna ngiri /ayiyá', nari aaxiyá'. Tseere ngin wahiyá'.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

Geehhoeemaá 19:21

Nee mukdá' aa meet kuri tsuú/ ar paángár kudá' aa iwiit gawaá daanduú faraási. Paángarí dír i dahh a baraá afkós. Nee tsir/o sleémeero iri áx fu'unay'ine.