ESEKIELI 39:10 - Biblía Axweesantá Hhohho' ar Mungú 2004

¹⁰ Migír ngu ay'aaká baraá slá/tí ale, laqaá xaai ngi tlaquú ay'aaká baraá darma, asma xooslaadár slaqwara ngin ásltár oohamisiyá'. Inooín daqaari'iimár mukdá' aáng daqaari'iimar'ín gaa hayoh ngin hayohír, nee muruú mukdá' muruuín gwa ar tlay ngun ar tlayá'. Anuú Aakoó MUNGÚ tí aga oó'.»

ESEKIELI 39:10 Iomraidhean Croise

TI'INAANGW 12:36

AAKOÓ MUNGÚ múk Misri guri gur'e wananaeés as kahhó' múk Israeli kuwa gurií ba/i, nee umuúqo gár múk Israeli aa firini kari haniís, xooslaá yaariir awa múk Misri kiri ar tláy.

TI'INAANGW 3:22

Ala umuú /ameenír Ebrania inslaawto'oorós ar Misri, nee dahaayo'ór do'ós i diriia, gin firiín muqslár peesaaro nee sahaábuwo nee tlabaawo, kuungá' kiri dahsá' dír na/iihúng awa daaqaay nee awa dasuuwo. Kuungá' xooslaá múk Misri kari haasaáng wa ar tleerá'.»

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ESEKIELI 39:11

«Baalaadae aníng dír Gogu kway fooli an sláw baraá yaamaá Israeliwo, baraá Tlapár Aauuse, tidá' ta bay Abdarimu, bihhaá da/aáw awa Tlawtá Diwi. Gogu kun didií fool dinkwa nee slaqwaruuseerós sleémeero, nee múk aauuse kuri ilaa/ as miwa loohidár óh. Tlapár slaqwaruusér Gogu, tidá' ta bay, ‹Tlapár Hamoni-gogu.›

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

SEKARIA 14:14

Múk Yuda tari slaaqw as Yerusalemu kawa xun nee daqaari'iimár yaariir ar xoordu sleémeero kari burumbuur sahaábu nee peesaaro nee tlabaawo.

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.