ESEKIELI 38:8 - Biblía Axweesantá Hhohho' ar Mungú 2004

⁸ Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

ESEKIELI 38:8 Iomraidhean Croise

IIMU/UUNGW 49:1

Yakobo daaqaywós guna ateét guri báy, «Burumburité' dinkwa, asma muruudá' kuungá' nu sláw, nguwa dirhúngí oo'.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 24:22

Sleémeero kiri dinkwárí burumbuur adór múk taa tsegiít, kuri /aytiís baraá bohoongw, Inooín kin tsegiit baraá doó tseegamo alaá deelór hhaawaakahe kiri muux.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 8:9

Kuungaá múk xoordu tundu giqáy, tunduri amoqwaarees. Iia qaasaak, kuungá' sleémeero awa ayeemaá sawen baraá yaamuwo Ti amohhe'ese' as tunduwa amoqwaareesi, ti amohhe'esé' as tunduwa amoqwaareesi.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 32:5

Sedekia kun ar tláy ay yaamaá Babuloni, inós iri hoot amoodá' wa alé ay dír aníng ngway artá aw. Tam geeraawo Sedekia ti muxiia nee múk Kaldayo i baloó baalinká. Anuú AAKOÓ MUNGÚ tí ngina oó'.› »

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

YEREMIA 48:47

Tam adoorihe aníng múk Moabu un diihhooárí ki/ís de'emaá hi'iita'a. Anuú AAKOÓ MUNGÚ tí ngina oó'. Kaangwí an sakwasleemár múk Moabu gu slaw.»

YEREMIA 49:39

Alaá kaangwihe. Aníng gixsár Elamu a diihhooarós i ki/ís. Anuú AAKOÓ MUNGÚ tí ngina oó'.»

WA/AA/I 4:22

Kuungaá múk Siyoni, muxtár tlakweemaahúng aa fák, kuungá' daxta tundu baraá looháy mayká. Ala kuungaá Edómu, tundun muux as tlakweemaahúng, tlakweemaahúng gin geehhooees.

ESEKIELI 28:26

Inooín tari baraaká' wa hoot ar saxareema, maray'ín ngiri tleehhiyá' nee xaa'aá sabiíbu ngiri dahaasiyá'. Inooín tari hoot ar saxareema, asma xoorduudá' inooín ngi slahh'eemiisá' aníng i sakwasleemuút. Daqaní inooín ngiri tsaahhiyá' adór aníng tar AAKOÓ MUNGÚ, Munguúín.»

ESEKIELI 34:13

Aníng i duúx baraá tla/ángw xoordaá hatlá' wa ale kudá' sawen, nee ngiri huuw baraá yaamuuín kudaá kilá' i ale. Nguri de'eém gawaá tlom'aá Israelír wa ale, bihhér duxe, nee baraá yaamu sleémeero kudá' muu i hooti.

ESEKIELI 38:14

«Gawaá adoorihe, Heewí, aariím danduú Goguwo, ku beer, Aakoó MUNGÚ i kaahi, ‹Qoomár xooror'eé' ar Israeli iwa hot ar wayda, kuúng a xu'káhe?

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 39:26

Qoomár barta hoot ar wayda baraá yaamuuine, qoomár bar gár gi dae tlaaq i káhh, alsi'imuuín kudá' naa tleehhiyé' ngun gunqaresiyá'.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

FAARO 24:14

«Aníng hamí an kií/ amór muk'eé', ala dír nira tlawiiká, muruú mukdá' i tleehhi dír mukók baraá de'emaá hi'iita'a ngu oó'.»

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.