Biblia Todo Logo
Bìoball air-loidhne

- Sanasan -




ESEKIELI 38:16 - Biblía Axweesantá Hhohho' ar Mungú 2004

16 Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

Faic an caibideil Dèan lethbhreac




ESEKIELI 38:16
32 Iomraidhean Croise  

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»


Nee múk Misri aníng iri tsaahhiyá' adór aníng tar AAKOÓ MUNGÚ, qoomár Farao nee gaarduuwo nee mukdá' farsuú madiita aníng bira xirfúr ayé'.»


Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.


Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.


Asma qoomár na/ii'ín birnga ariyé', kudá' aníng naa inooíní haniís, inooín umuueé' nguri xirfayeesiyá', umuú Kudá' Hhoohhoó' oo Israeli nguri xirfayemisiyá', nee Munguú Israeli nguri ilaiwawa/iyá'.


Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.


Kuúng án kilooeé' na tsaahháng, AAKOÓ MUNGÚ Aleesleemusmo, tiwa hhoohhoó'. Án kilooeé' na ilaiwawa/áng nee na da'ayumitáng.


Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.


Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.


Umuueé' kudá' úr kuungá' taa slasla/areesé' baraá tla/ángw xoorduudá' wa alé, un adoorós tidár aáng i ki/ís baraá tla/angw'ine. Qoomaarí an qoomaadá' xoorduká' ngiwa tsaahhiya' adór aníng tar AAKOÓ MUNGÚ. Anuú Aakoó MUNGÚ tí aga oó'. Aníng kuungá' nu gadiyuús as hhohhooari ngiwa laqaam geeraá xoorduuwo.


Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»


AAKOÓ MUNGÚ ina báy, «Aníng xoordu sleémeero i xirfuueé' i laqaám, nee adoodá' /uuruueé' ngur ar gadiyuús, as sakwasleemar'eé' tidár gan'amu ngiwa dir'ín i laqaam.


Qoomaarihe inooín iga qaroó ki/ís baraá xoorduú wa alé, nee ngaa qaroó burumbuúr baraá yaamaá wakuuser'ín wa ale, nee hhohhoaarir'eé' ngiri geehhooatís dír geeraá xoordaá hatlae.


Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.


Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›


Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:


Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.


Gaanslaay ar tlawaare', hardahaaré' kuungá' xoordu sleémeero, awa umuúqo barto, dinkwa i burumburiitaak.› » Aá AAKOÓ MUNGÚ, slaqwaruuseerók sleémeero ni didií /et.


Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.


Ala qoomár alhhe'eesáy birna xeér, tloomadá' taa Doó AAKOÓ MUNGÚ i tleéhh, ka gawdees, nee kari gáwtí tleerees ta tlom'aá hatlá' sleémeero. Xoordaá amoodá' kakaawá' hhay i tsatitiiká.


Asma aníng a xuú' alaá gwa'arar'eene kuungá' a tsuwa hhitrumitá', nee loohidá' naa hara'ayiím kari geexeerá'. Nee de'emaá hi'iita'a kuungá' amotlakwe nu sleér, asma kuungá' tlakweema i tlehhá' dír geeraá AAKOÓ MUNGUHE, inós kuri mune duxá' ar muruudá' kuungá' dabaahunge ta tlehhita'.»


Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.


Ala axweesanaywí xueek, bál deelór alhhe'eesaay binda naká/, qoomár slafíngw gawít i hardát.


Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.


Lean sinn:

Sanasan


Sanasan