ESEKIELI 38:11 - Biblía Axweesantá Hhohho' ar Mungú 2004

¹¹ ‹Aníng a slaqwarár áw amór yaamuudá' koo/ír kooma'aaká, yaamuuká' muk'ín in waydúr hoot. Inooín sleémeero dír ta hooti a baraá gixsadaá koo/ír kooma'aaká nee awa afer'ín taa tsegitiiká ar gadaádár peehhír afkú do' tsegit.

ESEKIELI 38:11 Iomraidhean Croise

WARA'AMI 10:9

I gigdín dír naaqór wa ale adór dirángw baraá mar'i. Heé liitlaákw gun haramamahhamiit as nguwa oohi, gun uhín ar tsaaxweeliirós, guri ar tláy.

TI'INAANGW 15:9

Wakusmo iri oó', ‹In aluú wa alkoóm ngiri ohiím, haasaánguueé' un qasmiís, ay dír haayir'eé' i waya'. Paángar'eé' an óh, inooín ngiri hhaamiís.›

ESEKIELI 30:9

«Baalaadae ya/abuuse a ya/aáw ar múk Kushi gu naxwtá aw, kudá' ti xuá' iwa baraá wayda. Inooín gurhaamír ur giri eér bál Misri bara hhaamiís. Ar ló' deelo ni hi'ít.

ESEKIELI 34:27

Xaa'aá baraá qamu mamu ngi laqwaaliyá', yaamu mamaá yaariir ngi laqwaaliyá', nee mamuudá' niri hootiyá' ar wayda. Qoomár aníng him'eedá' inooín kira tsegiít bara tsaát, nee in tuú/ baraá dabaá kudá' ngaa lawaale tleehhi'i, aníng daqaní i tsaahhiyá' adór tar AAKOÓ MUNGÚ.

ESEKIELI 38:14

«Gawaá adoorihe, Heewí, aariím danduú Goguwo, ku beer, Aakoó MUNGÚ i kaahi, ‹Qoomár xooror'eé' ar Israeli iwa hot ar wayda, kuúng a xu'káhe?

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

Rumi 3:15

Ya'aaín i gaansliná' as tseerdaá muu kiwa ku'uusi.

DABE 12:10

Ala qoomár yaaér Yordani barnaxes aga waarahhé', nee tari hotá' baraá yaamaá AAKOÓ MUNGÚ, Munguúhúng, i kuungá' i haniisi, nee qoomár burna hungu/uús, kuungá' mutunduwa dawitamiís nee wakuuserhúng sleémeero, tidá' kuungá' naa harwet, as kuungá' tawa hota' ar amohhooa,

HAR'OHUUSE 18:27

Inooín tidá' Mika aa tleéhh ngina ar tlayé' dinkwa nee kaahamusmoowós, nee inooín tay alhardáh Laishi, dír múk hoót ar yaandahhooa nee saxareema, kiri muúx ar paangadaá xaraaslá', gixsar'ín kay daá/.

HAR'OHUUSE 18:7

Aluuwo mukwí kooán iri tláy, tari hardáh Laishi. Mukdá' baraadá' hoót kuri ár adór ir hooti ar saxareema, adoodá' múk Sidoni ira hoót, múk yaanda hhó' nee amohhoó' oo gár hee ga yaahamiisaaká. Asma gár giwa /aaruur i káhh baraá yaamuwo inooín a daqaare, slam inooín ki saaw dír múk Sidoniro, nee gár nee muu tiwa diitsiya' i káhh.