ESEKIELI 37:6 - Biblía Axweesantá Hhohho' ar Mungú 2004

⁶ Aníng kuungá' nun dee/ár i qaás nee fu'unaywo, nee nuri tuuntuúk ar kaahari, nuri hinslií qaás, kuungá' tari slafá'. Daqaní kari tsahhá' adór aníng tar AAKOÓ MUNGÚ.»

ESEKIELI 37:6 Iomraidhean Croise

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

1 WAAWITÁ 20:28

Heé Mungú iri tseewúy dír waawutmoó Israeli guri báy, «AAKOÓ MUNGÚ i kaahi, asma múk Aramu i kaahi, ‹AAKOÓ MUNGÚ a munguú gawaá tlom'i, a munguú baraá yaamaá xatstooká.› Gawaá adoorihe aníng kuúng u baalír i haniís dír slaqwaruusér yaariir ar Aramu, nee kuúng kay tsáhh, adór aníng tar AAKOÓ MUNGÚ.»

WARA'AMI 104:30

Kuúng hiinsluuwók bura hanís niri tleehharuutiyá'. Kuúng yaamu in /abeemií ki/imís.

TI'INAANGW 6:3

Nee aníng tina gehhooatís dír Abrahamu nee Isaka nee Yakobo, tawa adór Munguú Aleesleemuú koóm, ala umuueé' kwí tiwa babay AAKOÓ MUNGÚ ugwa dir'iní xu'utisiiká.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ESEKIELI 11:10

Kuungá' tundu tsuu/ ar paánga, aníng kuungá' nu sakwasleemuút dír digimuú múk Israelír wa alé. Qoomaarí an qoomár kuungá' kawa tsahha' adór aníng tar AAKOÓ MUNGÚ.

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 32:15

Qoomár yaamaá Misri bira xaanxay tleéhh nee daqaari'iimarós sleémeero barka ar tláy, nee yaamuloouuseerós sleémeero bara tsuú/, inooín daqaní ngi tsaahhiyá' adór aníng tar AAKOÓ MUNGÚ.

ESEKIELI 34:27

Xaa'aá baraá qamu mamu ngi laqwaaliyá', yaamu mamaá yaariir ngi laqwaaliyá', nee mamuudá' niri hootiyá' ar wayda. Qoomár aníng him'eedá' inooín kira tsegiít bara tsaát, nee in tuú/ baraá dabaá kudá' ngaa lawaale tleehhi'i, aníng daqaní i tsaahhiyá' adór tar AAKOÓ MUNGÚ.

ESEKIELI 35:12

Kiíng daqaní kari xú' adór anuú kiluú AAKOÓ MUNGÚ, /oslisliingók kudá' taa aaiín daanduú tloomár Israeliwo ngura axaás, kudá' tawa kat, ‹Tlom'aá múk Israeli kaa xaanxay tleéhh, kinga haniís dirén i ale as kiwa aalaan.›

ESEKIELI 35:15

adoodá' kiíng tara qwalá/ as yaamaá Israeli kiwa xaanxay tleéhh. Gawaá adoorihe aníng kiíng i harasihhiít. Kiíng tloomár Seiri a xaanxay tleehhít, dinkwa nee yaamu sleémeero awa Edomu. Qoomaarihe daqaní kuungá' a tsahhá' adór aníng tar AAKOÓ MUNGÚ.› »

ESEKIELI 35:9

Aníng kiíng in xaanxay tleéhh ay alhhe'eesay wasle, gixsaduuwók ki malé wa hootiiká. Daqaní aníng i tsahhá' adór tar AAKOÓ MUNGÚ.›

ESEKIELI 37:14

Aníng qeeruueé' un baraahúng i qaás, nee kuungá' tari slafá', aníng kuungá' nuri male ki/ís baraá yaamuuhúng i ale. Daqaní kuungá' a tsahhá' adór anuú AAKOÓ MUNGÚ tí ngira oó', nee aníng an tleéhh. Anuú AAKOÓ MUNGÚ tí ngina oó'.»

ESEKIELI 38:23

Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»

ESEKIELI 39:22

Múk Israeli gari tsaahh adór aníng tar AAKOÓ MUNGÚ, Munguúín, iimír baldá' ay aluudae.

ESEKIELI 39:28

Daqaní ngiri tsaahhiyá' adór aníng tar AAKOÓ MUNGÚ, Munguúín, asma aníng ina tlatlahhaás baraá tla/ángw xoordaá hatlá', nee ngiri male ki/ís baraá yaamuuín. Tam heé wák u geexawaaká baraá tla/ángw xoordaá hatlá'.

ESEKIELI 39:6

Aníng asla a huúw baraá yaamaá Magogu nee kudá' sleémeero hootá' ar wayda dír yaamaá afkú tlawto. Inooín ngiri tsaahhiyá' adór aníng tar AAKOÓ MUNGÚ.›

ESEKIELI 6:13

Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

ESEKIELI 6:7

Kudá' ta tsu/i ta huhu'ún baraá tla/angwhúng, kuungá' kari tsahhá' adór aníng tar AAKOÓ MUNGÚ.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

Yoeli 2:27

Kuungá' kay xuá' adór aníng nir baraá tla/ángw múk Israeli i dirií', nee adór aníng tar AAKOÓ MUNGÚ, Munguúhúng, slám oo hatlá' i kaahh. Nee muk'eé' kureeriwo ku malé mureekeesiiká.»

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

DABE 29:6

Mikaáte aga /agi'iiká, laqaá difaái aga wati'iiká, laqaá gár onitamis tam ar niiná, as kawa tsahha' adór AAKOÓ MUNGÚ tar Munguúhúng.