ESEKIELI 37:12 - Biblía Axweesantá Hhohho' ar Mungú 2004

¹² Gawaá adoorihe, aariím, ki beer, Anuú Aakoó MUNGÚ a kah, Muk'eé', aníng /aantuhúng in gweér nuri waslee/atís baraá /aantuú wa alé. Nuri watlís ayaahúngí ale baraá yaamaá Israeli.

ESEKIELI 37:12 Iomraidhean Croise

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

ESEKIELI 37:13

Kuungá' muk'eé', qoomár aníng /aantuuhúng bira gweér, nee burna waaslee/atís, a tsahhá' adór aníng tar AAKOÓ MUNGÚ.

ESEKIELI 37:21

Kibeeto, Anuú Aakoó MUNGÚ a kah, Aníng múk Israeli ngu ki/ís baraá xoordudá' nay tlay'i, in burumbuúr bihhe sleémeerowo, ngiri ki/ís baraá yaamuuín i alé.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 37:4

Inós aníng iri báy, «Aariím daanduú faduukae. Ki a adoorí beér, Kuungá' fadaá kaaharen, axweesantá AAKOÓ MUNGÚ iiárií qaasaak.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

HOSEA 6:2

Alaá deelo tsare atén ti malé slafis, bál tame atén tin waslee/atis, as kahhó' nee inós tawa alhootaan.

Yoeli 3:5

Asma peésar'eé' ana ar tleeré' nee sahaábueene nee muruueé' kuduú tlaxo urén una ar tleeré', kuri dahasé' baraá maraá munguihúng i alé.

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

Geehhoeemaá 20:13

Tlawi múk aa qaatl nguri dúx baraawós wa ale. Gwa'ara nee gi'i múk aa qaatl nguri baraaín wa duxuné'. Mukwí kuri sakwasleemuút umuúqo heewo ar har qoomoó tlehhemi'iiwós.

1 SAMUELI 2:6

AAKOÓ MUNGÚ i tsu/uut, inós i slafíngw tlehhiit, gin /aytiis baraá gi'i, slám ngi male gáwtí huuw.