ESEKIELI 37:11 - Biblía Axweesantá Hhohho' ar Mungú 2004

¹¹ Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

ESEKIELI 37:11 Iomraidhean Croise

YOBU 17:15

daqaní harahhifór naa aniíngí met a gaalá? Heé harahhifor'eé' tí ga ár a heemá?

WARA'AMI 141:7

Adór migír kur feehhamamisi nee kur parhhamaamisi yaamií ale, an adór faduuín kir tsiyayaxi dír afkú /etángw baraá gi'i.

WARA'AMI 31:23

AAKOÓ MUNGÚ sla'aak, kuungaásingá' sleémeero awa mukós oo hhohhó'. AAKOÓ MUNGÚ mukdá' inkihhimuú koom gun amohhe'emiis. Ala kudá' sagegawden gin doohhiis ar qoomoó hariímar'ín.

WARA'AMI 88:16

Buhhtaawók kudá' xaraasla'a iga aldaa/atuúr, haratlatlangók kuduú /uuru i dae tlaaq nee i hariiáy.

WARA'AMI 88:5

Aníng taa kwaáhh baraá tla/ángw tu'u, adór tuaá dír /aantií diriiá', kudaádá' kuúng ta baloó insleeraaká, kaa saweés diroge.

ISAYA 40:27

Kuungásá múk Israeli nee xwaylár Yakobo, ahaá mas wa/aa/usá' tawa kata', «Loohir'eé' kaa luú/ dír AAKOÓ MUNGUHE, Munguúeé' gana'amueé' gu gaárí xuiiká?»

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 31:1

AAKOÓ MUNGÚ i kaahi, «Qooma i hardát ar aníng tawa Munguú tlahh'aá múk Israeli, nee inooín tari muk'eé'.»

YEREMIA 32:43

Qamu kin tlaaxw baraá yaamuuká' kuúng tawa kat, ‹Yaamaá dewa'ame, múk gi hoót laqaá makaá ngi hootá' i kahhiyá', nee kaa haniís baraá dabaá múk Kaldayo.›

WA/AA/I 3:18

Naagáy niri oó', «Xirfuueé' nee harahhifor'eene naa faakiyé' dír AAKOÓ MUNGUHE.»

WA/AA/I 3:54

Ma'aay án iri haraawa/iyé' niri oó', «Kaangw'eé' aa faák.»

ESEKIELI 33:10

«Heewí, múk Israeli kubeeto, kuungá' mas kata', ‹Atén tlakweema nee iringeede taa al'iiloouyé', aga neehuumitaán asma tlakweema. Xáy, adór hotaawo tar kumitaan a adoomá?›

ESEKIELI 36:10

Múk Israeli un ló'wa tlahhás. Gixsaduuín ki tleehh, nee taanguuín ki male /abees tleehhamooro.

ESEKIELI 37:16

«Heewí, xwaytsír wák taatahheek, nee /aymi'iiká' gawaawós ti gooiin, ‹Dír múk Yuda nee oo Israeli kudaá mar'eefo.› Naagáy xwatsatsír hatlá' taatahheek nee /aymi'iiká' gooimeek gawaawós, ‹Dír Yosefu (xwaytsír Efraimu) nee múk Israeli kudá' guruú doó wák.›

ESEKIELI 37:19

Kuúng daqaní ki mu/aywáts, Aakoó MUNGÚ i kaahi, Xwatsír Yosefu tidár baraá dákw Efraimu an óh as tlahh'aá múk Israeli kudá' nee inós dinkwa, nee an dinkwaárií nag'aás nee xwaytsidár Yuda, as xwatsooká' tawa xwaytsír wák tleehhiti baraá dakw'eene.

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

Efeso 2:1

Aáng kuungá' aga qatlé' baraá munerhunge asma dakumisuuhúng nee tlakweemaahúng.