ESEKIELI 37:1 - Biblía Axweesantá Hhohho' ar Mungú 2004

¹ Anuú Esekieli /uuruú AAKOÓ MUNGÚ ina al'iilooúy, nee inós iri gáwtí tleés ar qeeruuwós, nee iri qaás baraá tlapár faduuwo haats.

ESEKIELI 37:1 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

YEREMIA 7:2

«Tláw, sihhiít dír afkú doó Mungú nee axweesantí dahareemiseek, ta o', kuungá' múk Yuda, iia qaasaak kuungaáká' sluufmisuú aa'awá' baraá Doó AAKOÓ MUNGÚ.

YEREMIA 7:32

Gawaá adoorihe baala ni hardát ar didá' kawa malé beera'aaká ‹Tofeti›, laqaá ‹Xatstá garmoó Hinomu›, ala kan bay, ‹Xatstá Tsu/uta›, asma inooín kin foliit dír Tofeti, asma amór hatlae dii i káhh. Anuú AAKOÓ MUNGÚ tí ngina oó'.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

ESEKIELI 1:3

anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 3:22

/Uuruú AAKOÓ MUNGÚ aníng ina hatsiís, iri báy, «Sihhiít, tláw ay dír tlapapaai. Aníng nee kuúng a amoodá' wa axweesaán.»

ESEKIELI 33:22

Heewí niwa hardáh a matlaatle, laatí adór /isá'arós tsiindoowo aníng ilooeemaá /uuruú AAKOÓ MUNGÚ ina sláw. Matlaatlér looaytleérose heewí naa kotsqoot niwa dir'eé' i hardáh, aníng axweesani ngiri aleesláw.

ESEKIELI 37:2

Inós aníng iri ar hi'imiít baraadaá tlapaadá' wa aleeró. Baraá tlapaarihe fadaá yaariir awa ló'wa kaaharen i dayá'.

ESEKIELI 40:1

Bál slahhángw geera tawa mibaangw, kurkú mibeeri tsár nee kooán iimír tiwa loohatís, /uuruú AAKOÓ MUNGÚ una ár. Qoomaarí an kurkú mibaá nee tsiyáhh iimír gixsár Yerusalemu kawa hayóh.

ESEKIELI 43:5

Qeeru iri ar tláy iri huúw ay dír afeenidár guruú baraá do'. Aníng niri qaytsiít, naxés Doó Mungú xirfuuwós gwa tuuntuúk.

ESEKIELI 8:1

Bál slahhángw lahhoó' tawa kooán kurkú lahhoó', aníng a dír dooeé' i dirií' dinkwa nee bariisér múk Yuda. Aníng /uuruú Aakoó MUNGÚ iri hatsiís ar gaanslaay.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

Luka 4:1

Yesu Qeeruú hhoohhoó' oo Munguhe i haats nay Yordanír wa kií/. Kuri huúw nee Qeeruú hhoohhoó' oo Mungú baraá darma deelo mibeeri tsiyáhh,

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.