ESEKIELI 36:8 - Biblía Axweesantá Hhohho' ar Mungú 2004

⁸ Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

ESEKIELI 36:8 Iomraidhean Croise

WARA'AMI 67:6

Yaamu bu'uungw ngwa hamaaresiyé', AAKOÓ MUNGÚ, Munguúrén, taa tsuúq.

WARA'AMI 85:12

AAKOÓ MUNGÚ slaslawár yaariir ngi haniis, nee bu'úngw yaariír u slawaán baraá yaamuurén wa ale.

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 65:9

Na/ii ki laqwaal doó Yakobowo nee dír doó Yudawo aaliitmoó tlom'ieé' ni ti'iit. Kudá' naa tsawaár i aalín nee sagadiyuuser'eé' i baraadií hotaá eér.

ESEKIELI 12:25

Anuú AAKOÓ MUNGÚ kilá' tidá' tlehharuut ngi geerií oó'. Tí ni hardát i baloó tligaká. Kuungá' múk aa dee/anuut qoomár slafingwhunge axweesantí naa káh a boo/eés. Anuú Aakoó MUNGÚ tí aga oó'.»

ESEKIELI 17:23

Eeít, aníng a haátl gawaá ságw tloomár tleer ar múk Israeli, as /ayo nee mamu ngiwa laqwal. Inós tay xa'anoó hhoohhoó' oo sahhti, tsir/ór kal'aá yaariir iri mahheetús baraá gamnaangós wa alé, slám mari ngiri tleehhiyá' gawaá haleemaawós.

ESEKIELI 36:7

Looeemaawo anuú Aakoó MUNGÚ a kah, ‹Múk xoordaá hatlá' kudaá awa inslaawayhúng, inooíná kilá' kin /oosliislín.

Yoeli 2:22

Ma da'ayumitaara', kuungá' makaá baraá xatso, asma qawór baraá xaanxaay naa harmá/. Xaai mamuuín ngaa laqwaliyé', /aantsí nee sabiíbu /ar'i ngaa slaslaaxiyé'.»

Yoeli 2:24

Kitangwduú haritleemis in haats angaánowo, daraami'i nay milala/amitiyá' difaái nee di/ito.

Filipi 4:5

Hhooeemaahúng masók i geehhoouyá' dír muu sleémeerowo. Aako naa nakaá/.

Ebrania 10:37

Asma Gooi i kat, «Alaá deelór niinawe kudá' hardáh niqo hardah, inós i kwahhaasiiká.