ESEKIELI 36:5 - Biblía Axweesantá Hhohho' ar Mungú 2004

⁵ «Ala hám daxta aníng taa ló'wa buhhtís, aníng xoordaá hatlá' i sakwasleemuút, kawa ure múk Edomu. Inooín adoodá' yaamuueé' ngiwa kooín tleehhiyé' ngina saqwalaala/iyé', aníng iri waaqaaiyé'.

ESEKIELI 36:5 Iomraidhean Croise

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 79:5

Aá AAKOÓ MUNGÚ, buhhtaawók ki alhhe'eesay wásle? Ay xaylá buhhtaawók iwa ohaahina' adór asltá wa ale?

AXWEESANOÓ SAGALOOA 17:5

Heé narkutmoó niqiím a Tleehharusmoowós gun /oosliislín. Tam heé slahh'amuú múk wa qaseseém, inós ku mayká muxtaaro.

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

ESEKIELI 36:3

«Gawaá adoorihe, Esekiéli, kuúng aariím ta ó', ‹Anuú Aakoó MUNGÚ a kah, kuungaá tlom'aá múk Israeli, muu naa yaamaá tawo tleéhh, nee tunda i haratláy bihhe sleémeerowo, nee aga daqaari'iimár xoordaá hatlá' tleehhité', nee tari gár ta kaantin, nee ar ta waaqaqaai tla/ángw xoordu sleémeerowo.

ESEKIELI 36:6

«Gawaá adoorihe, aariím daanduú múk Israeliwo, tlom'ii'ín nee gongoamaawo nee kutlo ma'aay nee xatsoowo, ki beer, anuú Aakoó MUNGÚ a kah, ‹An axweés ar sla'aarir'eé' tidá' da/tá koom daanduú yaamuueene, asma yaamuueé' kaa ló'wa /oosliislín nee xoordaá hatlá'.›

ESEKIELI 38:19

Aníng tí an káh ar gwa/aateema nee ar da/i nee buhhtaaeene, asma baalaadae kuunseelír ur i ti'ít baraá yaamaá múk Israeliro.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

OBADIA 1:12

Ala geeraawo deelór hhaeehúng niwa isaa qeqtiné' ana i qaytsiti'iiká, nee ana qwalaala/i'iiká, nee slám qwanoó múk Yuda una waaqasesendi'iiká tam deelór slahh'amuuín ana ar laahhandi'iiká.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

SEKARIA 1:14

Naagáy malaykamoodá' aníng iri báy, «Gimáy waahheek kaangwí AAKOÓ MUNGÚ Aleesleemusmo i kaahi, ‹Án gura' ina ló'wa óh as Yerusalemu ngiwa slaá' nee Siyoniro.

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

Marko 3:8

nee gixsár Yerusalemu nee yaamaá Idumea nee gayuú Yordani nee bihhér Tiro nee Sidoni. Mukwí Yesu guri i daqáy asma kángw muruudá' sleémeero aa tlehhiít, kwaa axaás.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.