ESEKIELI 36:3 - Biblía Axweesantá Hhohho' ar Mungú 2004

³ «Gawaá adoorihe, Esekiéli, kuúng aariím ta ó', ‹Anuú Aakoó MUNGÚ a kah, kuungaá tlom'aá múk Israeli, muu naa yaamaá tawo tleéhh, nee tunda i haratláy bihhe sleémeerowo, nee aga daqaari'iimár xoordaá hatlá' tleehhité', nee tari gár ta kaantin, nee ar ta waaqaqaai tla/ángw xoordu sleémeerowo.

ESEKIELI 36:3 Iomraidhean Croise

WARA'AMI 35:25

Pa/aangw munguwa slayé' oo tawa kilooín ooi, «Ala ma hhaslitaán adoodá' ta sla'aan aga slawaán.» Matawa oó', «Ugwa suqtisán.»

WARA'AMI 61:1

Mungú, /aa/ee'eé' axaaseek, firór'eé' iiárií qaaseek.

WARA'AMI 69:12

Muu baraá lohuwo aníng in tawo daanda axwees, nee múk oonituuse aníng in niqín ar daa'angw'ín.

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

AXWEESANOÓ SAGALOOA 1:12

Kiri slafiingw gu/aán adór gi'í wá ale, sleémeero in qwaareesaán, adór múk aa /eet baraá /aanta.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

YEREMIA 52:1

Sedekia waawuti'iima ngiwa iimu/ún kureeriiwós a mibeeri tsár nee wak. Inós kureeraá waawuti'iima baraá Yerusalemu ngaa /aáy a mibaá nee wak. Aayoorós umuuwós a Hamutali dasír Yeremia, yaamuuloousmoó gixsár Libna.

WA/AA/I 2:2

Aako dír hotaá múk Yakobo gana hhaamiís sleémeero ar gurtleemu wasle. Koo/idá' gawit ar múk Yuda gana yaamií daáhh ar buhhtaawós. Mukdá' urén nee waawuti'iimar'ine gina yaamií daáhh ar murekesaay.

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

WA/AA/I 3:62

Axweesanay nee inslawoó wakuuser'eé' a daanduueé' kun axwees tlaatla/aangw sleémeero.

ESEKIELI 12:20

Gixsadaá múk koomá' ki hhaamiis, yaamu niri deewaaiyá'. Kuungá' ka tsahhá' adór aníng tar AAKOÓ MUNGÚ.»

ESEKIELI 13:10

«Aaruuseerí i muk'eé' qwaareemís nee ngun babaya', ‹Wayda i deer,› ala laatí wayda iqo kaahh. Muk'eé' ta koo/ír qoomaaká tlehhiit, slám kan /awakeemiis.

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

ESEKIELI 36:5

«Ala hám daxta aníng taa ló'wa buhhtís, aníng xoordaá hatlá' i sakwasleemuút, kawa ure múk Edomu. Inooín adoodá' yaamuueé' ngiwa kooín tleehhiyé' ngina saqwalaala/iyé', aníng iri waaqaaiyé'.

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

TLAHHOÓ LAÁWI 26:43

Qoomár inooín yaamuuín birnga geexayé', yaamu Sabaátor'ín ngin saqwalaa/iyá', qoomár bar yaamuuín naa darma tleehhitiyé', qoomaadae bar inooín tlakweemaaín ngaa hhu'uu'uné', kudá' hara'ayar'eé' ngiwa waaqaiyé', nee ngiwa aahhiyé',

OBADIA 1:13

Geeraawo ana dati'iiká baraá gixsár muk'eé' bál deelór slahh'amaayer'ine. Geeraawo masók qatlor'ín ana sa qwalaala/i'iiká i qaytaaro bál deelór slahh'amuine. Tam daqaari'iimar'ín geeraawo masók ana haasaáng wa hubi'iiká bál deelór slahh'amuine.

1 Korinto 4:13

Laqaá barnaxes atén ti niqimis, atén axweesanoó hhó' un ki/imisán. Atén ana xwaansláy tleehhitaán baraá yaamuwo, nee tari adór slooroodá' ta hingeemisi, dír ilaá muu sleémeerowo. Adoorí an adór atén tay diriiaan tam hamí.

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.