Biblia Todo Logo
Bìoball air-loidhne

- Sanasan -




ESEKIELI 36:11 - Biblía Axweesantá Hhohho' ar Mungú 2004

11 Muu nee makaywo in ló'wa tlahhás. Nee kuungá' tlóm'i, tundu male hoot adoodár aáng wa ale. Muruú hhó' ngu ló'wa tleéhh adoodá' aáng ba/a. Daqaní kuungá' a tsahhá' adór aníng tar AAKOÓ MUNGÚ.

Faic an caibideil Dèan lethbhreac




ESEKIELI 36:11
33 Iomraidhean Croise  

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.


Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.


Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.


Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.


Aníng de'eemuusér hatlá' ar gi amohhe'eemiis an sláw, inooín niri malé da'ayumitiaaká, laqaá niri malé amoqwaqwadina'aaká, nee tam ar wák i qwatká.» Anuú AAKOÓ MUNGÚ tí ngina oó'.


Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.


Anuú AAKOÓ MUNGÚ a kah, ga/aaweek, deelo ni hardát ar aníng yaamaá Israeli nee awa Yuda ngiwa hatsiis muu nee makaywo ar adoodá' dahaasusmo ir dahaasaasin.


AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.


Hhaeewók awa dasu, Sodoma nee Samaria dinkwa nee dasuuine, ador'ín tidár aáng ngin i ki/iyá', tam kiíng nee dasuuwoge adoodár aáng an i ki/á' sleeme.


Aníng kiíng in xaanxay tleéhh ay alhhe'eesay wasle, gixsaduuwók ki malé wa hootiiká. Daqaní aníng i tsahhá' adór tar AAKOÓ MUNGÚ.›


Muu iri ooi, ‹Yaamuká' aáng adór xaanxaay, hamí daxta a adór asalmooduú Edeni, nee gixsadudá' aáng naa deewaiyé', kudá' tawa lóh niri sluhhuutiyé', hamí daxta ki hoot nee muu, slamí kaa harweér ar koo/ír gawit.›


Kuungá' muk'eé', qoomár aníng /aantuuhúng bira gweér, nee burna waaslee/atís, a tsahhá' adór aníng tar AAKOÓ MUNGÚ.


Aníng alqadór wayda an tleéhh nee inooín, alqadoorí tari ar alhhe'eesay wasle. Aníng inooín i tsuúq, yaamu ngiri dala/iyá', nee hotaaeé' ngiri tleéhh baraá tla/angw'ín ay alhhe'eesay wasle.


Aníng kuungá' nun dee/ár i qaás nee fu'unaywo, nee nuri tuuntuúk ar kaahari, nuri hinslií qaás, kuungá' tari slafá'. Daqaní kari tsahhá' adór aníng tar AAKOÓ MUNGÚ.»


Hhaeehúng awa daaqaay ki beera', «Ami». Nee hhaeehúng awa dasu ki beera', «Ruhama».


I sa'axweés ar inkihhimu, kiíng AAKOÓ MUNGÚ kuri xú'.»


«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.


Aníng i qaás baraá yaamuuín i ale, ala hingeesaro ki aleeslayká baraá yaamuudá' naa dir'ín i haniisi. Anuú AAKOÓ MUNGÚ, Munguúwók, tí aga oó'.»


Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.


Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.


AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.


AAKOÓ MUNGÚ, Munguúhúng nuri huuw baraá yaamuudá' baabi'iihúng naa aaliyé' as kuungá' kiwa ala'. Inós kuungá' nu amohhooárí haniis, nee nuri tlahhas baabi'iihúng ba/a.


Asma Mungú gár ak hhoo' gaa amohhe'eés iimír aáng wa ale as atén. Inós gár i slai a boo/eesár axweesantós inooín makawa i giirín hardahamuuwo ta atene, ala masók an al i hardahaán.


Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.


Lean sinn:

Sanasan


Sanasan