ESEKIELI 34:7 - Biblía Axweesantá Hhohho' ar Mungú 2004

⁷ «Gawaá adoorihe kuungaásingaá de'eemuúse, axweesantá anuú AAKOÓ MUNGÚ iiaárií qaasaak.

ESEKIELI 34:7 Iomraidhean Croise

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

YEREMIA 13:13

Daqaní ki beer, ‹Anuú AAKOÓ MUNGÚ múk yaamuuká' un oonitamís, iimír waawitá kudá' waawuti'iím kitángw Daudi wa ale, nee kaahamuusér Mungú, nee aaruuse nee muu sleémeero oo Yerusalemúr hoót.

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

ESEKIELI 34:8

Adoodá' anuú Aakoó MUNGÚ nir hotaatima, aníng aga ló'wa slahhaá' bee/angw'eé' nguwa ga/áw tawa muruú /aymár makaá xaraaslá', asma heé gu de'eém i kaahh, asma de'eemuuser'eé' bee/aangw gwa leeleehhitká, ala inooín gur'er'ín kilós ngina harmagaahhiyé'.

ESEKIELI 34:9

Gimsé' kuungaasingaá de'eemuúse, axweesantá' anuú AAKOÓ MUNGÚ iiaárií qaasaak.

MALAKI 2:1

«Ala daxta, kuungá' kaahamuusér Mungú, hara'ayaarí i kuungá' wa hariín.