ESEKIELI 34:5 - Biblía Axweesantá Hhohho' ar Mungú 2004

⁵ Gawaá adoorihe, asma de'eemusmoó bee/aangwí iwa kahhi, inooín niri diyaa/atiyé', sleémeero tari /aymár makaá sla/a.

ESEKIELI 34:5 Iomraidhean Croise

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

2 QOM'I 18:16

Mikaya iri oó', «Aga ár slaqwaruusér Israeli sleémeero aa tsiyayaaxát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, raaqaay inooín ta watli ar wayda.› »

ISAYA 56:9

Kuungaá makaá xaraaslá' sleémeero, kuungaá makaá xaraaslá' awa baraá gara, qwalaasé' muk'eé' /ayaak.

YEREMIA 10:21

Anuú Yeremia niri oó', «De'eemuuse a daktu'uumít. Inooín AAKOÓ MUNGÚ ngu firirina'aaká. Gawaá adoorihe slaasláwár i slaya' i káhh. Bee/angw'ín sleémeero aa qaroó diyaaya/aát.

YEREMIA 23:2

Gawaá adoorihe, anuú AAKOÓ MUNGÚ, Munguú múk Israeli a kah, daanduú de'eemusedá' muk'eé' de'ema. «Kuungá' bee/angw'eé' ugwa tlatlahhasé' nee kuri gusisiindé', ala ugwa amohhe'eemisi'iiká. Ga/aawaak, aníng kuungá' nun muúx asma tlehhmi'iihúng kudá' tlakw.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

ESEKIELI 33:21

Slahhángw mibaangw bál tawa kooán kurkú mibaá nee tsár iimír atén tiwa loohatís, heeko wák naa Yerusalemúr wa kotsqoot nina dir'eénií hardáh i kaahi, «Gixsár Yerusalemu kaa hayóh.»

ESEKIELI 33:28

Yaamuuká' i xaanxay tleéhh nee gaa wasle. Pihhuuseerós tidár daara/uuse an suqúw. Tlom'aá Israeli in xaanxay tleéhh, nee heé gawaadár óh i kaahh.

ESEKIELI 34:28

Inooín ki baloó slakaatiiká nee xoorór hatlá', laqaá tawa /aymár makaá sla/a. Inooín in hootiyá' ar saxareemo, nee heé gi baloó dae tsaát i kaahh.

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

ESEKIELI 34:8

Adoodá' anuú Aakoó MUNGÚ nir hotaatima, aníng aga ló'wa slahhaá' bee/angw'eé' nguwa ga/áw tawa muruú /aymár makaá xaraaslá', asma heé gu de'eém i kaahh, asma de'eemuuser'eé' bee/aangw gwa leeleehhitká, ala inooín gur'er'ín kilós ngina harmagaahhiyé'.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

FAARO 27:17

Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

Matayo 9:36

Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

Yohana 10:2

Heé afkú dó ar dáh a de'eemusmoó bee/aangw.