ESEKIELI 34:26 - Biblía Axweesantá Hhohho' ar Mungú 2004

²⁶ «Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

ESEKIELI 34:26 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 9:16

Qoomár ga/aleerí gawaá huunkáy i dirii', bara ár, aníng alqador'eé' tidá' alhhe'eesay wasl an insláw, tidá' naa tleéhh nee muruú slaáf sleémeero oo baraá yaamií dirií'.»

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 68:16

Aá tloomár tleer ar tsitseeno yaariir, kiíng mas tloomár AAKOÓ MUNGÚ ga/eér ar da/i, tidá' inós aa tsawaár hotaangós wa ale ay alhhe'eesay wasle?

WARA'AMI 68:9

Mungú, kuúng tluwoó yaariír nguna baraá yaamií hanís, yaamuuwók niwa slaaqatiyé' kuúng ina /uuruú /abén i hanís.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

ISAYA 19:24

Baalaadae múk Israeli in haragwaa' dír múk Misri nee oo Ashuru, inooínaaká' tamaawo tsuuqa ngiri huwiyá' baraá yaamu sleémeerowo.

ISAYA 32:15

Adoorí in kumaamít ay dír qeeruú Mungú kunguy gáwtá wá ku'uusi gawaaréní alé, daqaní xaanxaay iri warqáy tawa qaymór balángw hamaaremiis, nee qaymór balángw hamaaremiis iri darma tleehhít.

ISAYA 32:20

Kuungá' a múk amohhoó' asma an dahasiindá' dír ma'aay i dirii'iya', hikwaahúng nee daqwayerhunge in hi'iimitiyá' ar adór ni slaiya'.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 34:14

In huúw dír qawtantá hhoohhoo' gawaá tlom'aá tledaadet awa yaamaá Israeli, kudá' qawtantá hhoó' koomá'. Inooín niri tlahhsiya' baraá xatstá hhoohhoo', eeít, inooín qawtantá hhoo' ngi slayá' gawaá tlom'aá Israeliwo.

ESEKIELI 34:29

Aníng in qamaá xawuú koomá' i sláw as qwari mingiwa hhaamiís baraá yaamuwo, laqaá mikiwa malé waaqaá' nee xoordaá hatlá'.

ESEKIELI 36:8

Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

TLAHHOÓ LAÁWI 25:21

Gimsé', aníng yaamu in tsuúq bál kurkú lahhooe as bu'úngw bu'uút oo kureeraá tám nguwa hamareesiya'.

TLAHHOÓ LAÁWI 26:4

aníng nun tluwáy haniís ar qoomoó hariím, yaamu nay bu'úngw yaariír i laqwaaliyá', xaa'aá baraá qamuuhúng na/ii ngiri laqwaaliyá' sleeme.

SEKARIA 10:1

AAKOÓ MUNGÚ firimaak tluwoó buhareewo, AAKOÓ MUNGÚ an kudá' tluwoó kwarara/a ngu haahuúw, inós an kudá' baafoó tluwaay gu múk i hanmaamiís nee balángw baraá qamu gu hamareés as muu sleémeero.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

SEKARIA 8:13

Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

DABE 28:12

AAKOÓ MUNGÚ qaasirós tidá' hho' aa qaás gawaá doori ngi dirógií gweer, tluwaay ngun haniis qoomaadá' hariima, nee gadiyeérók gari tsuuq. Xoordaá yaariir kiri kirkitimís, ala kuúng a kirkimér eeraaká.