ESEKIELI 34:16 - Biblía Axweesantá Hhohho' ar Mungú 2004

¹⁶ «Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 34:16 Iomraidhean Croise

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

WARA'AMI 72:2

Mukók ngu har'oohi ar sakwasleemár ganaa', nee narkuteerók ngi geeraahari ar gan'amu.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 5:17

Deeloó bee/aangw nee oo aara nee tse/eeto, qawo ngin slayá' dír taangwaá gixsar'ín wa alé, kwaáo an dír qawtantaín.

YEREMIA 10:24

Aá AAKOÓ MUNGÚ, aníng qwatsáng ar adór ganaa' ala ar buhhtawooká, as kahhó' mawa qwaár.

YEREMIA 23:15

Gawaá adoorihe, anuú AAKOÓ MUNGÚ Aleesleemusmo daanduú aaruusér Yerusalemuro a kah, «Ga/aawaak, aníng in /aymiís ar xa'anoó qarqaár, ngiri wahaás ar ma'aá qarkú koomá'. Asma aaruusér Yerusalemu Mungú ilaiwa/ameero nguna geerií mayé', tleehhmuuwí iri tsiyaayaxaát baraá yaamuwo.»

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

YEREMIA 9:15

Gawaá adoorihe AAKOÓ MUNGÚ Aleesleemusmo, Munguú Israeli, i kaahi, «Ga/aawaak mukwí un hhamaandúr /aymiís, nee nguri ma'aá qárkwár wahaás.

ESEKIELI 20:34

Aníng kuungá' nun duúx baraá xoordaá hatlá' wa aleeró, nee nuri burumbuúr baraá yaamuudá' nuy diyaa/i, ar dakw'eé' oo ló'wa /uuruú koóm, ar xarasleema nee buhhtaeé'.

ESEKIELI 24:5

Fu'unaá hhohho' awa bee/ír slaqwa hhoo' tleehheek, gufteeri qaaseek baraá asla, fu'unaay nee fadu dinkwárí humiimeek, sleémeero humro hhe'eeseek.›

ESEKIELI 34:11

«Gawaá adoorihe anuú Aakoó MUNGÚ a kah, Anuú kilá' bee/angw'eé' un leeleéhh nee nguri amohhe'eés.

ESEKIELI 34:4

Kudá' liitlakwén uga /uurií qaasiiká, nee oo tiíq ugwa maasáy hanisi'iiká, kudá' aa qeqtin ugwa tlaawindi'iiká, kudá' tawo hi'iimiít iga haraki/isiiká, nee kudá' aa qwaqwadin ugwa leelehhtuú eeri'iiká. Ala kuungá' una de'eendé' ar /uuru nee ar xarasleema.

ESEKIELI 39:18

Fu'unaá múk pihh'uumár koóm ngin /ayá', nee tseerér geeraharuuseedá' uren ar baraá yaamu, tidá' ta tsu/i adór gwaandaawér wa ale, laqaá adór deeloó bee/aangw, nee laqaá adór aara, laqaá adór awér aa wahhdit ar Bashani ngiri wahiyá'.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

SEKARIA 10:3

AAKOÓ MUNGÚ i kaahi, «Aníng aga daa/atúw buhhtaawo gawaá daanduú de'eemuuse aníng geeraharuuse a slaáhh, asma AAKOÓ MUNGÚ Aleesleemusmo daqtós ga amohhe'ees. Inós doó Yuda guri adór farásír ilakahaar tleehh baraá slaqwaraaro.

Matayo 15:24

Yesu giri báy, «Aníng dír ti ya/aáw a dír múk Israeli kilós, kudá' aa adór bee/ángw wa qwaar.»

Marko 2:17

Yesu adoodá' ngiwa axaás, giri báy, «Múk slaqoo hhó' i qwaslaarmoó leelehhiitiiká, aqo har tiqtuuse. Aníng naa hardihiiká as múk hota ganaá' nguwa ateetiim, ala nina hardáh as tlakuuse.»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.