ESEKIELI 34:13 - Biblía Axweesantá Hhohho' ar Mungú 2004

¹³ Aníng i duúx baraá tla/ángw xoordaá hatlá' wa ale kudá' sawen, nee ngiri huuw baraá yaamuuín kudaá kilá' i ale. Nguri de'eém gawaá tlom'aá Israelír wa ale, bihhér duxe, nee baraá yaamu sleémeero kudá' muu i hooti.

ESEKIELI 34:13 Iomraidhean Croise

WARA'AMI 106:47

Ti ba/amis, AAKOÓ MUNGÚ, Munguúrén, ti dinkwárí ki/is baraá múk xoordaá hatlae. Daqaní kuúng un sluufisaán as umuuwók kudá' hhoohhoó', atén tay xirfuutaán as xirfuuwók.

WARA'AMI 37:3

AAKOÓ MUNGÚ haratlintieek, muruú hhó' tlehhiteek, daqaní a hót ar saxareema baraá yaamuwo.

ISAYA 30:25

Baalaadá' wakuuserhúng barka hhaamiís, nee /aampar'ín tidá' tleer barka daáhh, kutltá ma'aay nin gawaá tlom'ií wa wá/, nee gawaá gongooamawo.

ISAYA 49:9

Kudaá baraá tseegamo kiwa bay, «Ti'iitaré' baraá doó tseegamooro.» Awa baraá giwti kiwa bay, «Qwalaas amór gwa/aateema.» Umuú diiro muruú /ayma i deer, tam gawaá sagér tlom'aá kaaharene muruú /ayma i deer.

YEREMIA 23:8

Ala inooín bar lo'o ka /aay tan ooi, ‹Adoodár AAKOÓ MUNGÚ ir hotaatin, kudá' múk Israeli ngwa /iikú wá duux, nee gwa baraá yaamu sleémeeró wá geerahaar, amoodá' aáng ngay diyaá/. Aluuwo inooín tari baraá yaamuuín wa hoot.› »

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

YEREMIA 50:19

Múk Israeli u ki/ís baraá qawtanti'ín, nee angamír'ín kari gawaá tloomár Karmeli nee Bashanír wa de'én, muruú /aymár bu'uút nguri slayá' gawaá tlom'aá Efraimu nee Gileadiro.»

ESEKIELI 11:17

«Gimáy, daxta baweek, Anuú Aakoó MUNGÚ a kah, Aníng kuungá' nu burumbuúr amoodá' ta hota'a. Nu burumbuúr amór yaamuudá' nay diyaa/i, nuri ki/ís baraá yaamaá múk Israeli.

ESEKIELI 20:41

Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

ESEKIELI 20:42

Kuungá' aníng daqaní i tsahhá' adór tar AAKOÓ MUNGÚ, qoomár burna huúw ay baraá yaamaá múk Israeli, yaamaá naa qaroó lo'ór wa /aáy ngiwa haniis dír baabi'iihúng.

ESEKIELI 36:12

Aníng múk Israeli un aleesleemuú i haniís oo kuungá' tunduwa yaamií kala/an. Nee kuungá' nay aaliyá', tam na/ii'ín i malé tsu/a'aaká.›

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

ESEKIELI 36:29

Aníng kuungá' nun ba/amís baraá slasla/aruhúng sleémeerowo. Aníng balangwhúng ngu hamareés, tam giyeé ni baloó tleeraaká.

ESEKIELI 36:30

Aníng mamaá xaai nee balángw qamu i tlahhás, as mutunduwa murekeés ar giyeé tidá' tla/ángw xoorduuwo.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

ESEKIELI 39:27

Qoomaarihe inooín iga qaroó ki/ís baraá xoorduú wa alé, nee ngaa qaroó burumbuúr baraá yaamaá wakuuser'ín wa ale, nee hhohhoaarir'eé' ngiri geehhooatís dír geeraá xoordaá hatlae.

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

MIKA 4:6

AAKOÓ MUNGÚ i kaahi, «Baalaadae aníng kudaádá' soopiím un haraki/ís. Aníng kudaádá' taa guús un ki/ís, nee kudaádá' aníng naa slahh'eemisi sleeme.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

DABE 30:3

daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.