ESEKIELI 34:12 - Biblía Axweesantá Hhohho' ar Mungú 2004

¹² Adoodá' de'eemusmo bee/aangós kudá' aa diyaya/aat ngur leelehhaahhiti, an adoodá' aníng bee/angw'eé' ngur leelehhiit. Un haraaki/ís umuú dír iqo diyaa/ati, bál huunkáy nee ma/amír a kiqiti.

ESEKIELI 34:12 Iomraidhean Croise

AXWEESANOÓ SAGALOOA 27:23

Makaywók kudá' ta de'een harmagahheek, hikwaawók amohhe'eeseek.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 56:8

Aakoó MUNGÚ kudá' mukduú Israeli aa tsiyayaxaat gu burumburiím i kaahi, «Aníng múk hatlá' ngu burumbuúr dír kwí naa geerií burumbuuri.»

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

ESEKIELI 30:3

Asma deeloodá' ka tseew, deeloodár AAKOÓ MUNGÚ ka ló'wa tseew. Deeloorí a adór giwtír ma/ami, baalár xoordu kiwa hhaamisi.

ESEKIELI 32:7

Qoomár bura suqúw, doori in giwís, nee tsatse/ nguri bo/eemiís, tsee/amaá un giwís ar huunkáy, nee slahhaangw iri gwa/aatiiká.

SEFANIA 1:15

Baalaadá' a baalár xarasleema Baalár slahh'amu nee waayaqamu, Baalár hhita nee hhaamisa, baalár giwti nee gurhaami, Baalár huunkáy nee ma/amír aa kiqit,

SEKARIA 10:3

AAKOÓ MUNGÚ i kaahi, «Aníng aga daa/atúw buhhtaawo gawaá daanduú de'eemuuse aníng geeraharuuse a slaáhh, asma AAKOÓ MUNGÚ Aleesleemusmo daqtós ga amohhe'ees. Inós doó Yuda guri adór farásír ilakahaar tleehh baraá slaqwaraaro.

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.

Luka 15:8

«Laqaá barnaxes /ameenír wák i shiliíngír mibángw koón, oo wák bira qwaár, adór i laq a adoomá? Aqo tsaa'asi gan dá/, do' gway fíts, shilingmoodá' guri leelehhít ay dír nguy sleer.

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.