ESEKIELI 33:5 - Biblía Axweesantá Hhohho' ar Mungú 2004

⁵ Oo afór tarumbeéta gaa axaas, nee gurbua gari waaqaá', slafiingós i gawaá dabaawósií dirii'. Ala barnaxes afoodá' gaa iiaárií qaás, slafiingós gwaa ba/amís.

ESEKIELI 33:5 Iomraidhean Croise

2 WAAWITÁ 6:10

Naagáy waawutmoó Israeli slaqwaruuseerós gari tseeweés didaádá' kwa báy. Nee Elisha heé Mungú iri kumiít waawutmo gurbu'uungo, nee waawutmoó Israeli tiri amohhe'eés slaqwaraaro. Adoorí kana /iimamiís daqtá yaariire.

WARA'AMI 95:7

Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 33:4

Hee bar afoodár tarumbeéta gaa waaqaá', nee gurbu'utí gaa iiaárí qaasiiká, nee wakuuse niri hardát guri gás, inós slafiingós i gawaá dabaawós i dirii'.

Yohana 8:39

Tari oó', «Baabuúrén a Abrahamu.» Yesu iri oó', «Kuungá' geera bar na/aá Abrahamu, geera alók gadiyeérós aga tlehhé'.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.