ESEKIELI 33:12 - Biblía Axweesantá Hhohho' ar Mungú 2004

¹² «Nee kuúng heewí, mukók kubeeto, Heé ganaá' bar tlehhma'aá tlakw gaa tleéhh, tlehhmi'iiwós kudá' gana'á aa geerií tleéhh ngu tu/iiaaká. Heé tlaákw barnaxes tlakweema tlehhtuwo gaa máy, ku sakwasleemuutiiká. Heé ganaá' bar tlakweema tlehhtuwo gaa iimu/ún, gan'amuuwós kuduú aáng gu ba/amisiiká.

ESEKIELI 33:12 Iomraidhean Croise

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

YEREMIA 18:10

ala barnaxes xooroodá' tlakweema gaa tléhh dír geeraaeene nee afor'eé' iialooeesaro ngiri si'iyé', aníng an warqáw hhooeemaadá' nira tsabiím tleehhamoro i sangw tleehhaaká.»

YEREMIA 18:8

ala xooroodá' naa daanda oó', bar muruú tlákw gwaa meér tlehhtuwo, aníng tidá' naa ístí tsaát daanduuine aqo an máw tleehharo.

ESEKIELI 18:21

«Barnaxes heé tlaákw, tlakweemaawós kudá' i tlehhaahhiti gaa máy tlehhtuuwo, nee barnaxes hara'ayar'eé' sleémeero gaa óh, inós tlehhma'aá ganaa'á' nee awa qoomá' birnga tleéhh, heé adoorí looeemaawo i hoot, i gwaiiká.

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 33:2

«Heewí, axweés nee múk yaamuuká' ki beer, Barnaxes aníng slaqwara ngaa huúw baraá yaamuwo, nee múk yaamuudá' heeín oo wák kuri qaás xuumusmooín wa alé.

ESEKIELI 33:20

Ala tam hamí kuungá' a katá', ‹Gár Aakoó MUNGÚ i tlehhiiti i gana'aká.› Aá múk Israeli, aníng umuú heewo un sakwasleemuút ar qoomoó tlehhmi'iiwós.»

Rumi 3:25

Mungú Yésuuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee ngur gan'amií harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.