ESEKIELI 33:11 - Biblía Axweesantá Hhohho' ar Mungú 2004

¹¹ Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 33:11 Iomraidhean Croise

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

WARA'AMI 51:15

Aá Aáko, afkwe'eé' waatleeseek, xirfuuwók nguwa alki/iit.

AXWEESANOÓ SAGALOOA 1:23

Warqawé' as nuwa gurbuú'. Daqaní án kuungá' nu fuqurangw'eéní haniís. Axweesante'eé' kari tsahhá'.

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

ISAYA 21:12

Xuumusmo iri oó', «Looa niqo tlatleér, nee xweera ni hardihiyá' sleeme. Kuúng bar yaahamisuú slá', yaahamiís, ta tleér, ni malé kí/.»

ISAYA 49:18

Axáy bihhe i qaytaak nee ka aandá' gár tleehharumiit. Inooín sleémeero taa burumburiyé' i baraawók i watliyá'. Anuú AAKOÓ MUNGÚ a kah, adoodá' aníng nir hotaatima, mukók sleémeero un adór kwasluú wa dahás, mukók u saqwalaalá/ adór dasír duuxór aw kwasluwós ngir saqwal/aa/at.

YEREMIA 22:24

Daanduú Koniawo, waawutmoó Yuda garmoó Yehoyakimu, AAKOÓ MUNGÚ i kaahi, «Aníng lo'o aga /aáy, tam geeraawo kuúng bar an mungay'eene, kuduú gawaá diitsár dakw'eé' oo doó /iyáy, kudá' ni layárár qamaamiim, aqo un duúx, nee uri amór saáwí kwaáhh,

YEREMIA 3:12

Tláw múk Israeli axweesantí baweek: Ki/aaré' kuungaá múk Israeli, kudá' inkihhimu wasl! Aníng kuungá' nu ga/aawaaká ar iltá tlaakw, asma aníng a gurtleemuú koóm. Eeít aníng kuungá' nu i buhhaaká ay alhhe'eesay wasle.

YEREMIA 3:22

Ki/aaré' kuungá' na/aá inkihhimu wasl, aníng inkihhimu waslerhúng a huungu/uús. Kuungá' a kata', «Ga/aaweek atén naa ki/aán amoorók asma kuúng an AAKOÓ MUNGÚ, Munguúrén.

YEREMIA 44:7

«Ala hám daxta anuú AAKOÓ MUNGÚ, Munguú Aleesleemusmo, Munguú Israeli a kah, ahaá waáy, baré kuungá' ti kiloohúng amotlakweerí yaariírí huwaahubá' adoorír alé, baré ti kiloohúng hhaamisá', kuungá' hhawaate nee /ameenaaro, masoomba nee na/aá qaweerowo, tam panmo iri meetiiká baraá yaamaá Yudawo?

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

WA/AA/I 3:33

Inós ga slaiiká muu nguwa slahh'eemiisi laqaá muu nguwa gurhaamír ar ay.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 16:48

«Ar looeemá kilae, tí an káh ar tsáp, anuú Aakoó MUNGÚ, hho'oorók Sodoma nee dasuuwose tlakweemaá adór kók kwisíng nee awa dasuwók nga tlehhi'iiká.

ESEKIELI 18:23

Xáy, anuú Aakoó MUNGÚ gwa'arár heé tlaákw aqo saqwalaá/a? Aasla'áy a saqwala/aaká. Aníng gár ni slaa' masók inós luhuuwós kudá' tlakw gin máy, as iwa slafi.

ESEKIELI 5:11

«Gawaá adoorihe, ar adoodá' anuú Aakoó MUNGÚ nir hotaatima, kuungá' diirír hotaaeé' aga meetagasé' ar muruudá' aníng ni sla'aaká, aníng kuungá' nun amór saáw i kwaáhh. Guruueé' i baloó tlayká, nee hee tumu wák oo ni meetiis i kaahh.

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

SEFANIA 2:9

Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

FAARO 14:21

Ala ar looeemaawo, adoodá' nir hotaatima nee adoodá' yaamu iri hatsiia xirfuueene,

FAARO 14:28

Hamí daxta adoorí tir mu/aywatse', ‹Anuú AAKOÓ MUNGÚ a kah, adoodá' nir hotaatima, tidá' kuungá' ta kata' aníng naa axaás, ngi kuungá' i tleéhh.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Rumi 14:11

Asma Gooi i kat, «Aako i kaahi. Adoodá' aníng nir slaaf, umuúqo heewo i geeraaeé' tumbarara'aat, nee umuúqo tsifraango Mungú guri xirfayees.»

1 Timoteo 2:4

Inós muu sleémeero gu slaa' iwa ba/an nee looeema ngiwa xuiya'.

2 Petro 3:9

Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.